येत्या १ डिसेंबरपासून राज्यात इयत्ता पहिली ते सातवीपर्यंतचा शाळा सुरू करण्याचा निर्णय शासनाने घेतला आहे. या पार्श्वभूमीवर शिक्षण विभागाने सर्व शाळांसाठी नियमावाली देखील जाहीर केली आहे. मात्र, नाशिकमध्ये सध्या पहिली ते सातवीपर्यंत शाळा सुरू होणार नसल्याची माहिती नाशिकचे महापालिका आयुक्त विलास जाधव यांनी दिली आहे.
अफ्रिकेमध्ये कोरोनाचा नवा व्हेरिएंट समोर आला आहे. जगभरात या नव्या व्हेरिएंटचा संभाव्य धोका वर्तविण्यात आला आहे, दक्षिण अफ्रिकेत आयर्न मॅनच्या स्पर्धेसाठी गेलेले नाशिकचे दोन खेळाडू हे शहरात परतले आहेत. या दोघांचे स्वॅब तपासणीसाठी घेण्यात आल्याची माहिती मनपा आयुक्त यांच्याकडून देण्यात आली आहे. तर पहिली ते सातवीचे वर्ग सुरु करण्याबाबतचा निर्णय देखील १० डिसेंबरपर्यंत स्थगित ठेवण्यात आलेला आहे, असे यावेळी सांगण्यात आले आहे.
