केंद्रीय मंत्री नितीन गडकरी यांनी ग्रीन हायड्रोजनवर बसेस, ट्रक आणि कार चालवण्याचा प्लॅन असल्याचं म्हटलं आहे. शहरातील सांडपाणी आणि घनकचऱ्यापासून ग्रीन हायड्रोजनची निर्मिती करता येईल, असं गडकरी म्हणाले. ऑईल रिसर्च इन्स्टिट्यूट, फरिदाबाद यांच्याकडून ग्रीन हायड्रोजनवर चालणारी कार बनवण्यात आली असून ती विकत घेतली असल्याचं नितीन गडकरी म्हणाले. ते नॅशनल समिट ऑन फायनान्शियल इन्क्लुजन मध्ये बोलत होते.
नितीन गडकरी यांनी नवी दिल्लीमध्ये ग्रीन हायड्रोजनवर चालणारी कार चालवणार असल्याचं म्हटलं. या कार्यक्रमात त्यांनी ग्रीन हायड्रोजनसंदर्भात मार्गदर्शन केलं.
