नांदगांव शहराच्या जुन्या रेल्वे गेट ते बेलदार वाडी प्रयन्त येवला रोड व तालुक्यातील काही भागातील रस्त्यांची परिस्थिती अत्यंत दयनीय झाली असून सदर रस्त्याची त्वरित सुधारणा करण्यात यावी, या मागणीचे निवेदन संतोष गुप्ता यांनी सार्वजनिक बांधकाम विभागास दिले.
सदर रस्त्यावर मोठमोठे खड्डे पडले असून नागरिकांना व वाहनांना वाहन चालवताना मोठी कसरत करावी लागत असून यातून दररोज अपघात होत आहेत. रस्त्याच्या दोन्ही बाजूनी मोठ्या प्रमाणार गवत व काटेरी झाडे वाढल्याने वाहन चालकांना पुढील रस्ता पाहण्यासाठी मोठी कसरत करावी लागते. रस्त्याच्या कडेला गटार नसल्याने मोट्या प्रमाणात रस्त्याच्या बाजूला चिखल साचल्याने लहान वाहने चिखलात अडकतात, या समस्यांचे त्वरित निराकरण करून नागरिकांना दिलासा द्यावा, अन्यथा तीव्र आंदोलन छेडण्याचा इशारा देखील निवेदनात देण्यात आला आहे.
