Breaking News

[post-marguee]

[ays_poll id=7]

मनमाड महाविद्यालयात जिल्हास्तरीय पर्यावरण संवर्धन कार्यशाळा संपन्न

Jan 19, 2026

महात्मा गांधी विद्यामंदिर संचलित कला विज्ञान व वाणिज्य महाविद्यालय, मनमाड व राष्ट्रीय सेवा योजना विभाग सावित्रीबाई फुले पुणे विद्यापीठ यांच्या संयुक्त विद्यमाने एक दिवसीय जिल्हास्तरीय पर्यावरण संवर्धन कार्यशाळा महाविद्यालयाचे प्राचार्य डॉ. अरुण पाटील, उप प्राचार्य डॉ. बी.एस देसले यांच्या मार्गदर्शनात मनमाड महाविद्यालयात संपन्न झाली.

कार्यशाळेचे उदघाटन प्रतिभा कोठुळे, सुशांत रणशूर, अतुल देवरे, पूजा पगार, पुनम धांद्रे, कुलसचिव समाधान केदारे, शैक्षणिक पर्यवेक्षक प्रा. डी.व्ही. सोनवणे, डॉ. संजय चिंचोले, प्रा.समाधान सुखदेवे यांच्या उपस्थितीत संपन्न झाले. प्रतिभा कोठुळे यांनी आपले मनोगत व्यक्त करताना सांगितले की, आज होणारा निसर्गाचा ऱ्हास व त्यावरच्या उपायोजना, राह फाउंडेशनच्या माध्यमातून नाशिक जिल्ह्यात सुरू असलेल्या विविध जैवविविधता उपक्रमांविषयी माहिती तसेच राह फाउंडेशनतर्फे निमोण येथे सुरू असलेल्या वृक्षारोपण, जैवविविधता पार्क याविषयी मार्गदर्शन त्यांनी केले. ए आर इ ए एस फाउंडेशन चे मा. सुशांत रणशूर यांनी सापांसोबत सहअस्तित्व याविषयी विद्यार्थ्यांना मार्गदर्शन, सापांकडे बघण्याचा दृष्टिकोन, समाजामध्ये भरलेली अंधश्रद्धा, साप ओळखण्याची पद्धत, सर्पदंश व त्यापासून च्या उपायोजना यांची प्रात्यक्षिकाद्वारे विद्यार्थ्यांना मार्गदर्शन केले. शेवटी कार्यशाळेत सहभागी विद्यार्थ्यांना प्रमाणपत्र देण्यात आले.

कार्यशाळेचे सूत्रसंचालन रूपाली घुगे, प्रास्ताविक राष्ट्रीय सेवा योजना कार्यक्रमाधिकारी डॉ पवनसिंग परदेशी, प्रमुख पाहुण्यांचा परिचय व आभार डॉ. आरती छाजेड यांनी केले. या कार्यक्रमाला महाविद्यालयातील प्राध्यापकवृंद, प्रशासकीय कर्मचारी, विद्यार्थी मोठ्या संख्येने उपस्थित होते. या कार्यशाळेच्या यशस्वीतेसाठी रासयो कार्यक्रमाधिकारी डॉ पवन सिंग परदेशी, डॉ.आरती छाजेड यांच्यासह एन एस एस स्वयंसेवक, स्वयंसेविका यांनी परिश्रम घेतले.

अजून बातम्या वाचा..

माणुसकीच्या संस्कारांची छोटी पावले; प्रकृती स्कूलच्या चिमुकल्यांचा स्तुत्य उपक्रम

माणुसकीच्या संस्कारांची छोटी पावले; प्रकृती स्कूलच्या चिमुकल्यांचा स्तुत्य उपक्रम

प्रकृती स्कूल मनमाडच्या वतीने दिवाळी गृहपाठांतर्गत इयत्ता पहिलीच्या विद्यार्थ्यांना औषध पाकिटे...

read more
महिलेच्या गळ्यातील पोत ओरबाडून चोरटे पसार; शहरातील महिलांमध्ये भीतीचे वातावरण

महिलेच्या गळ्यातील पोत ओरबाडून चोरटे पसार; शहरातील महिलांमध्ये भीतीचे वातावरण

मनमाड- शहरातील अत्यंत गजबजलेल्या विवेकानंद नगर दोन परिसरात राहणाऱ्या महिलेच्या गळ्यातील सोन्याचे...

read more
[hsas-shortcode group="" speed="10" direction="left" gap="50"]