काश्मीरमध्ये दहशतवादी हल्ल्यात ३ जवान शहीद, ४ गंभीर !

काश्मीरमधील श्रीनगरच्या जीवान भागात दहशतवाद्यांनी केलेल्या हल्ल्यात सशस्त्र पोलिस दलातील ९ व्या बटालियनचे ३ जवान शहीद झाले असून ११ जवान जखमी झाले आहेत त्यात ४ जवानांची प्रक्रुती गंभीर आहे. जीवान भागातुन सशस्त्र दलाची एक तुकडी बसने प्रवास करीत असताना हा हल्ला झाला. जखमींना जवळच्या रुग्णालयात हलविण्यात आले आहे. दहशतवाद्यांना शोधण्यासाठी नाकेबंदी करण्यात आली आहे.