शारदा संगीत कलामंदिर संस्थेचे यश

नासिक येथील शारदा संगीत कलामंदिर या संगीत व कलेला वाहून घेतलेल्या संस्थेत आज रोजी प्रमाणपत्र वाटपाचा कार्यक्रम संपन्न झाला.
या संस्थेतील विद्यार्थिनी लतिका देशपांडे व अंकिता खेलुकर यांनी संगीत विशारद ही पदवी प्राप्त केली असून या प्रसंगी त्यांचा सत्कार करण्यात आला.संस्थेचे संचालक राजेश मारोती शेळके यांच्या हस्ते हा सत्कार संपन्न झाला.सातपूर व नासिकरोड परिसरात अनेक संगीत प्रेमींना शास्त्रोक्त पद्धतीने हार्मोनियम,तबला वादनाचे प्रशिक्षण देण्याचे कार्य गेली अनेक वर्ष शारदा संगीत कलामंदिर करित असून कलेला अविरत पणे जपण्याचे आणि जोपसण्याचे कार्य चालू आहे.परिसरातील अनेक नवोदित कलाकारांना घडविण्याचे काम या संस्थेमार्फत झालेले आहे.अखिल भारतीय गंधर्व महाविद्यालय मुंबई या केंद्राशी शारदा कलामंदिर संलग्न असून या मार्फत विविध स्तरावरील सांगितिक परीक्षांचे आयोजन करण्यात येते.या प्रसंगी विविध पालक देखील उपस्तिथ होते. दरवर्षी संस्थेच्या कलाकारांना व्यासपीठ उपलब्ध व्हावे या हेतूने सदर संस्थेतर्फे विविध कलादर्शन कार्यक्रमाचे आयोजन करण्यात येते.या लोक हितोपयोगी उपक्रमाची सुरवात संस्थेचे संथापक गुरुजी मारोती नारायण शेळके यांनी केली असून त्यांनी आपली कला हुबेहूब आपल्या मुलामध्ये उतरवली आहे.कलेचे हे संस्कार पिढीजात पणे राजेश शेळके व त्यांचे बंधू बासरी वादक भूषण शेळके यांनी जतन केले आहेत.
या प्रसंगी भविष्यातील नियोजन आणि आभार व्यक्त करून सांगता करण्यात आली.