Breaking News

[post-marguee]

[ays_poll id=7]

गुप्तसर साहेब गुरुद्वारा मनमाड येथे लोहड़ी (लोहरी) उत्सव साजरा….

Jan 14, 2022

गुप्तसर साहेब गुरूद्वारा मनमाड येथे लोहड़ी उत्सव मकर संक्रांतीच्या एक दिवस अगोदर 13 जानेवारीला रात्री शहरातील शिख बंधवांच्या उपस्थितित आनंदात साजरा करण्यात आला.

लोहड़ी हा पंजाब प्रांतात साजरा होणारा हिवाळ्यातील सुगीचा उत्सव आहे.उत्तर हिंदुस्थानातील शीख आणि हिंदू नागरिक हा उत्सव साजरा करतात. जानेवारी रोजी हा उत्सव साजरा केला जातो.या उत्सवाशी संबंधित कथा आणि आख्यायिका पंजाब प्रांतात प्रचलित आहेत.लोहारी हा सूर्याच्या उत्तरायण संक्रमणाशी माघ महिन्यात येणारा उत्सव आहे. हिवाळा ऋतूला निरोप देणे असा या उत्सवाचा हेतू असतो.सामान्यत: मकरसंक्रांत सणाच्या आदल्या दिवशी लोहारी साजरा केला जातो.उत्तर भारतातील दिल्ली , पंजाब, हरियाणा या प्रांतात या दिवशी विशेष सुट्टी दिली जाते.

अग्नीपूजा हा या उत्सवातील महत्वाचे वैशिष्ट्य मानले जाते. हिवाळा ऋतू असल्याने शेकोटी पेटविणे याला पारंपरिक महत्व मिळाले आहे.गूळ,गजक, उसाचा रस यांचा समावेश या दिवशी खाण्यात आवर्जून समावेश केला जातो.गावाच्या मध्यभागी सूर्यास्ताला संध्याकाळी शेकोटी पेटविली जाते. लोक त्यामध्ये तीळ, गूळ वाहतात. त्याभोवती बसून लोकगीते गातात आणि पारंपरिक नृत्य करतात. शेतातील ताजी मक्याची कणसे भाजून खाणे हा एक विशेष कार्यक्रम असतो. शेतात आलेला लाल मुळा हा सुद्धा या दिवशी जेवणात समाविष्ट केला जातो. मोहरीच्या पानांची भाजी, मक्याची पोळी, किंवा भाकरी ही या उत्सवाची महत्वाची मेजवानी असते. तीळ घालून केलेला भात या दिवशी जेवणात समाविष्ट असतो. याला त्रिचोली म्हटले जाते.पंजाब च्या काही प्रांतात लोहारी या देवतेची स्थापना केली जाते. गायीच्या शेणापासून ही मूर्ती तयार करून तिची सजावट केली जाते.लोहारी निमित्त सजलेली पंजाबी महिलासुगीच्या काळातील हाती येणा-या शेतातील पिकाचा आनंद साजरा करणे असे या सणाचे महत्व आहे.सूर्याचे उत्तरायण सुरु होवून दिवस मोठा होत असल्याने सूर्याची पूजा आणि स्तुती ही सुद्धा या उत्सवात केली जाते. दुल्ला भट्टी हा पंजाब प्रांतात एक प्रसिद्ध व्यक्ती म्हणून ओळखला जातो. अकबराच्या काळात हिंदू युवतीना पळवून नेले जात असे. त्या मुलींचे रक्षण करणारा म्हणून दुल्ला भट्टी विशेष प्रसिद्ध आहे आणि त्याला समाजात मानाचे स्थान आहे.त्याने वाचविलेल्या सुंदरी आणि मुन्दरी या दोन युवती पंजाबी लोककथांमधे अजरामर झाल्या आहेत. या उत्सवाच्या निमित्ताने लहान मुले आसपास जाऊन लोकगीते म्हणतात त्यात याच्या नावाचा उल्लेख येतो. या लोकगीत गायनाच्या कार्यक्रमानंतर घरोघरी लहान मुलांना खाऊ आणि पैसे दिले जातात.

संत कबीर यांच्या पत्नी लोई यांच्या निमित्ताने हा उत्सव सुरु झाला अशीही एक मान्यता आहे लोई म्हणजे अग्नीतील तेज आणि उर्जा होय. होलिका आणि लोई या दोघी बहिणी असल्याचे काही ठिकाणी मानले जाते. सिंधी समुदायात लोई या नावाने हा सण साजरा केला जातो.

या कार्यक्रमास शहरातील सर्व शिख बांधव , मनमाड गुप्तसर गुरूद्वारचे प्रबंधक बाबा रणजीत सिंह जी , शहरातील आणि बाहेर गावाहुन आलेले भाविक उपस्थित होते , कार्यक्रमा नंतर बाबाजींच्या हस्ते सर्वांना प्रसाद देण्यात आला.

अजून बातम्या वाचा..

भा. ज.पा.महिला मोर्चा तर्फे महिला दिनानिमित्त मनमाड मधील कर्तृत्ववान महिलांना ‘सुषमा स्वराज’पुरस्कार प्रदान

भा. ज.पा.महिला मोर्चा तर्फे महिला दिनानिमित्त मनमाड मधील कर्तृत्ववान महिलांना ‘सुषमा स्वराज’पुरस्कार प्रदान

भारतीय जनता पार्टी महिला मोर्चा मनमाड मंडल, तर्फे महिला दिनानिमित्त मनमाड मधील कर्तृत्ववान...

read more
H3N2 विषाणूचा प्रादुर्भाव रोखण्यासाठी उप जिल्हा रुग्णालय प्रशासनाने सज्ज रहावे – शिवसेनेचे निवेदन

H3N2 विषाणूचा प्रादुर्भाव रोखण्यासाठी उप जिल्हा रुग्णालय प्रशासनाने सज्ज रहावे – शिवसेनेचे निवेदन

H3N2 विषाणूचा प्रादुर्भाव रोखण्यासाठी उपजिल्हा रुग्णालयाची यंत्रणा सुसज्ज ठेवणे संदर्भात मनमाड शहर...

read more
शुक्रवारी उद्धव बाळासाहेब ठाकरे गटाची बैठक – मालेगाव शिवगर्जना सभेची मोर्चेबांधणी

शुक्रवारी उद्धव बाळासाहेब ठाकरे गटाची बैठक – मालेगाव शिवगर्जना सभेची मोर्चेबांधणी

शिवसेना ऊद्धव बाळासाहेब ठाकरे उत्तर महाराष्ट्र संपर्क नेते मा श्री संजयजी राऊत साहेबांच्या आदेशाने...

read more
नांदगाव बाजार समितीतील कांदा व्यापारी नॉट रिचेबल हमाल मापारी वर्गाचे पगार लटकले .

नांदगाव बाजार समितीतील कांदा व्यापारी नॉट रिचेबल हमाल मापारी वर्गाचे पगार लटकले .

नांदगाव सोमनाथ घोंगाणे नांदगाव बाजार समितीतील कांदा व्यापारी नॉट रिचेबल झाल्याने माथाडी बोर्डाच्या...

read more
युथ वर्ल्ड वेटलिफ्टींग चॅम्पियनशिप – आकांक्षा व्यवहारे भारतीय संघात तर प्रशिक्षकपदी तृप्ती पाराशर

युथ वर्ल्ड वेटलिफ्टींग चॅम्पियनशिप – आकांक्षा व्यवहारे भारतीय संघात तर प्रशिक्षकपदी तृप्ती पाराशर

दुर्र्स अल्बेनिया येथे होणाऱ्या युथ वर्ल्ड वेटलिफ्टिंग चॅम्पियनशिप (दि- 23 मार्च ते 2 एप्रिल 2023)...

read more
[hsas-shortcode group="" speed="10" direction="left" gap="50"]