चांदवड तालुक्याचे माजी आमदार स्व.जयचंद कासलीवाल यांच्या स्मृतीदिना निमित्त दिव्यांग आदिवासी कन्या कु.प्रियंका चिंतामण सोनवणे (इ. ४ थी / जि.प. प्राथ.शाळा रेणुकानगर, चांदवड) या बालिकेस चांदवड नगरीचे प्रथम नगराध्यक्ष भुषण कासलीवाल यांच्या हस्ते व्हीलचेअर प्रदान करण्यात आली.
कै.जयचंद कासलीवाल यांनी आपल्या कार्यकाळात आदिवासी समाजातील विद्यार्थ्यांना न्याय देण्यासाठी परिश्रम घेतले होते. मुलांनी शिकावं, जनतेत सामाजिक कार्यात आपले नावलौकिक वाढवावा, हा दृष्टीकोन समोर ठेऊन त्यांनी इ.१ ली ते १० पर्यंत शैक्षणिक संस्था सुरु करून आदिवासी विद्यार्थ्यांना शिक्षणाची संधी उपलब्ध करून दिली.
याप्रसंगी भाजपा आदिवासी मोर्चा तालुकाध्यक्ष संजय पाडवी, युवा मोर्चा जि.चिटणीस अंकुर कासलीवाल, ओबीसी शहराध्यक्ष महेश बो-हाडे, न्हनावे सरपंच कैलास गुंजाळ, किशोर क्षत्रिय, विशाल ललवाणी, तुषार झारोळे, मुन्ना मोरे, सुभाष मोरे, बाळासाहेब जाधव, राजाभाऊ गांगुर्डे, निलेश चौधरी, गोसावी गुरूजी व ग्रामस्थ उपस्थित होते.
