माता रमाई जयंतीनिमित्त रौनक फाऊंडेशनच्या वतीने त्वचारोग निदान शिबिर संपन्न.

रौनक फाऊंडेशनच्या वतीने माता रमाई जयंती साजरी करून त्या निमित्त वसंत नगर येवला रोड तांडा येथे खरूज नावाचा त्वचा रोग निदान शिबिराचे आयोजन करण्यात आले.

रौनक फाऊंडेशनच्या वतीने शहर आणि परिसरामध्ये अनेकवेळा विविध प्रसंगी मोफत आरोग्य शिबिराचे आयोजन करण्यात येत असते.याच समाजसेवेच्या कामाची पावती म्हणुन रौनक फाऊंडेशनच्या अध्यक्षा डॉ.वर्षा झाल्टे यांच्यावर नुकतेच नमो फौंडेशनच्या जिल्हा अध्यक्ष पदाची जबाबदारी देण्यात आली आहे. रविवारी माता रमाई जयंतीनिमित्त वसंत नगर येथे मोफत त्वचारोग आरोग्य तपासणी मार्गदर्शन आणि मोफत गोळ्या ओषधे वाटप शिबिराचे आयोजन करण्यात आले होते.

रौनक फाऊंडेशनचा अध्यक्षा डॉ वर्षा झाल्टे यांनी 25 /30 लहान मुले व इतर 15/20 जणांची तपासणी केली व येथील लोकांमध्ये त्वचेची आणि शरीराची कशीकाळजी घेतली पाहिजे या बद्दल माहिती दिली , तांड्याचे सरपंच व नागरिक यांनी डॉ .वर्षा झाल्टे यांचे मनपूर्वक आभार मानले. या प्रसंगी रौनक फाऊंडेशन सर्व पदाधिकारी , सदस्य आणि गावकरी उपस्थित होते.