आनंद धर्मार्थ दवाखान्याच्या वर्धापन दिनानिमित्त राहत फौंडेशनतर्फे अभिष्टचिंतन

श्री सुशील अमृत जैन महिला मंडळ संचालित श्री आनंद धर्मार्थ दवाखान्याच्या वर्धापनदिनानिमित्त दवाखान्यात अत्यंत वाजवी फी मध्ये सेवा देणाऱ्या डॉक्टर्सचा सम्मान करण्यात आला.मागील 5 वर्षांपासून मनमाड शहरातील श्री सुशील अमृत जैन महिला मंडळ संचलित श्री आनंद धर्मार्थ दवाखान्यात अत्यंत वाजवी दरात रुग्णसेवा निरंतर सुरू असून टकार मोहल्ला,राजवाडा,इदगाह झोपडपट्टी,डॉ. आंबेडकर चौक येथील गोरगरीब नागरिकांना यामुळे दिलासा मिळाला आहे. या दवाखान्यात सेवा देणाऱ्या डॉक्टरांनी आपल्या जिवाची,परिवाराची पर्वा न करता कोरोना व्हायरस सारख्या जागतिक महामारीतही श्री आनंद धर्मार्थ दवाखान्यात रुग्णसेवा सुरूच ठेवली. त्यांनी मनमाड शहरासाठी दिलेल्या योगदानाबद्दल राहत फौंडेशन तर्फे सर्व डॉक्टरांचा पुष्पगुच्छ देऊन सत्कार करण्यात आला.यावेळेस डॉ. सुनील बागरेचा,डॉ. विकास चोरडिया, डॉ. मुथा, प्रथितयश उद्योगपती दिपकभाऊ मुनोत, मा. नगरसेवक नाजीमभाई शेख, कयाम सैय्यद, अनुप बेदमुथा,मुराद शेख, जाहिद शेख, वाहिद शेख व ईतर उपस्थित होते