महात्मा गांधी विद्यामंदिर संचलित , कला , विज्ञान व वाणिज्य महाविद्यालय मनमाड येथे दिनांक 14 मार्च 2022 रोजी दृक-श्राव्य माध्यमातून वाणिज्य मंडळाचे उद्घाटन करण्यात आले. याप्रसंगी मुख्य अतिथी म्हणून जीवन विमा महामंडळाचे व्यवस्थापक श्री.अरुण सोनवणे उपस्थित होते. त्यांनी विद्यार्थ्यांना सतत प्रयत्नशील राहून प्रात्यक्षिक ज्ञान घेणे ही काळाची गरज आहे आणि विमा क्षेत्रात विद्यार्थ्यांना करिअरच्या मोठ्या संधी आहेत असे सांगितले .
कार्यक्रमाचे अध्यक्षस्थानी महाविद्यालयाचे प्राचार्य डॉ. ए.व्ही.पाटील यांनी भूषविले .याप्रसंगी महाविद्यालयाचे उपप्राचार्य डॉ.पी.जी.आंबेकर यांनी कोरोना काळात विम्याचे वाढलेले महत्त्व सांगितले आणि विद्यार्थ्यांनी या दृष्टिकोनातून प्रयत्नशील रहावे असे आव्हान केले .
कार्यक्रमाचे प्रास्‍ताविक विभाग प्रमुख डॉ.एस.डी.थोरे यांनी केले तर सूत्रसंचालन व अतिथी परिचय प्रा.श्रीमती ए.एस. छाजेड यांनी केले आणि आभार प्रदर्शन डॉ. व्ही. एस. नजरधाने यांनी केले .
या कार्यक्रमासाठी पर्यवेक्षक डॉ.सतीश तांबे , कुलसचिव समाधान केदारे , प्रा.एस.ए. मुसळे यांचे विशेष सहकार्य लाभले.तसेच प्राध्यापक वृंद आणि विद्यार्थ्यांनी उपस्थिती दर्शविली व कार्यक्रम यशस्वी केला.
मनमाड शहर भाजपा मंडल तर्फे 79 व्या स्वातंत्र्य दिना निमित्ताने ध्वजारोहण कार्यक्रम व भव्य तिरंगा रॅली चेआयोजन युवकांचा उस्फुर्त प्रतिसाद
भारतीय जनता पार्टी मनमाड शहर मंडलाच्या वतीने स्वतंत्र हिंदुस्थान च्या 79 व्या स्वातंत्र्य दिना...
