कला विषयाचे ए.टी.डी.,डिप. ए.एड., ए.एम., डी.एड. या उच्च शिक्षणातील ‘कला अध्यापन’ अध्यापन पुस्तिकेची मराठी आवृत्ती नुकतीच प्रकाशित झाली. या कला विषयक अभ्यासक्रम पुस्तिकेत ‘शिक्षण मंडळ भगूर’ संचालित,नूतन माध्यमिक विद्यालय भाटगाव.ता.चांदवड.जि.नाशिक. शाळेतील कलाशिक्षक श्री.देव हिरे.यांनी शाळेच्या दर्शनी फलकावर रेखाटलेल्या सुंदर फलक रेखाटनाचा समावेश करण्यात आला आहे.
जगताप पब्लिसिंग हाऊस पुणे, चे प्राध्यापक श्री.जयप्रकाश जगताप सर यांनी शालेय जीवनात फलक रेखाटन हा एक अविभाज्य घटक आहे हे जाणून उच्च शिक्षण घेणाऱ्या विद्यार्थ्यांना फलक रेखाटन माहिती व महत्त्व समजावे आणि फलक रेखाटनास प्रोत्साहन मिळावे या उद्देशाने कला अभ्यासक्रम पुस्तिकेत श्री.देव हिरे यांच्या सुंदर चित्रमय फलक रेखाटनास स्थान दिले आहे. ही आनंदाची बाब आहे.
या निमित्ताने उच्च शिक्षण घेणारे विद्यार्थी,शिक्षक व कलाशिक्षक यांना फलक रेखाटन करण्याचे प्रोत्साहन मिळणार आहे.
माझ्या ग्रामीण भागातील शाळेतील फळ्यावर केलेल्या फलक रेखाटनास उच्च शिक्षण कला अध्यापन अभ्यासक्रमात स्थान मिळणे हे माझ्यासाठी ,माझ्या शाळेसाठी व माझ्या संस्थेसाठी खूप अभिमानाची बाब आहे.’ माझ्या फलक रेखाटनास कला उच्च शिक्षण अभ्यासक्रमात स्थान दिल्याबद्दल जगताप पब्लिशिंग हाऊस पुणे,चे प्राध्यापक श्री.जयप्रकाश जगताप सर यांचे मनस्वी धन्यवाद ! – देव हिरे.(कलाशिक्षक)
