नांदगाव तालुका कुमार गट व किशोर गट मुले निवड चाचणी स्पर्धा 2021- 22.
नांदगाव तालुक्यातील नाशिक जिल्हा कबड्डी असोसिएशनशी संलग्न असलेल्या सर्व कबड्डी संघांना सूचना करण्यात येते की ,वाल्मिकी बॉईज क्रीडा मंडळ मनमाड व नांदगाव तालुका कबड्डी असोसिएशन यांच्या मान्यतेने किशोर गट व कुमार गट कबड्डी मुले स्पर्धांचे आयोजन शुक्रवार दिनांक 6 मे २०२२ ते मंगळवार दिनांक 10 मे २०२२ रोजी आयोजित करण्यात आलेले आहे. या स्पर्धेत नांदगाव तालुकास्तरावर नोंदणीकृत संघांना भाग घेता येईल .कुमार गटासाठी वयोमर्यादा वय वर्ष 21 च्या आत म्हणजे 1 एप्रिल 2001 नंतर ची जन्मतारीख असावी.
तर किशोर गटासाठी वयोमर्यादा ही वय वर्ष १६ च्या आत म्हणजे 1 एप्रिल 2006 नंतर ची जन्मतारीख असावी .त्यासाठी वजनाची अट नाही. आपले संघ हे ऑनलाईन पद्धतीने दिनांक 3 मे 2022 पर्यंत नोंदवावेत. ऑनलाइन संघ नोंदविलेल्या संघांनाच या स्पर्धेत खेळू दिले जाईल. याची सर्वांनी नोंद घ्यावी ऑनलाइन नोंदणीसाठी राजेश दराडे सहसचिव नांदगाव तालुका कबड्डी असोसिएशन मोबाईल नंबर 9834480743 यांच्याकडे करावी .उशिरा नोंद करण्यात आलेल्या संघांना प्रवेश दिला जाणार नाही .याची नोंद घ्यावी .या स्पर्धेतून निवड झालेल्या खेळाडूंचे क्रीडा सराव शिबिर घेण्यात येईल व या निवडलेल्या खेळाडू मधून लीग कबड्डी स्पर्धांचे आयोजन केले जाईल. स्पर्धेचे ठिकाण जय भवानी अद्ययावत व्यायाम शाळा ,मनमाड . सदर स्पर्धेची प्रवेश फी प्रत्येक संघास रुपये १००/-आहे. प्रत्येक संघांच्या खेळाडूंची नोंदणी जिल्हा असोसिएशन कडे झालेली असावी. प्रवेश फी,संघ नोंदणी व खेळाडू नोंदणी सहसचिव श्री.राजेश दराडे यांच्याकडे करावी व या स्पर्धांमध्ये सहभाग घेऊन सहकार्य करावे.असे आवाहन स्पर्धा सचिव श्री शरद बहोत. डॉ.दत्ता शिंपी सचिव ,नांदगाव तालुका कबड्डी असोसिएशन . अध्यक्ष राजाभाऊ पगारे ,नांदगाव तालुका कबड्डी असोसिएशन व सर्व सदस्यानी केले आहे
