टीव्ही अभिनेत्री केतकी चितळेने राष्ट्रवादी काँग्रेसचे अध्यक्ष शरद पवार यांच्यावर आक्षेपार्ह शब्दात टीका केल्यानंतर विविध स्तरातून तिच्यावर टीका होत असून आता या प्रकरणावर मनसे अध्यक्ष राज ठाकरे यांनीदेखील तीव्र शब्दात निषेध व्यक्त केला आहे. याबाबत मनसेकडून पत्रक जारी करण्यात आले आहे. यामध्ये त्यांनी महाराष्ट्राच्या राजकारणात बरीच वर्ष कार्यरत असलेल्या शरद पवारांविरूध्द लिहिणं साफ गैर असल्याचे राज ठाकरेंनी म्हटले आहे. कोणीही या राज्याची परंपरा खालच्या पातळीवर नेऊ नये अशी अपेक्षा ही त्यांनी व्यक्त केली आहे.राज्य सरकारने अशा प्रवृत्तींचा छडा लावून बंदोबस्त करावा अशी मागणी त्यांनी केली आहे.
