‘शिक्षण मंडळ भगूर’ संचालित,नूतन माध्यमिक विद्यालय भाटगाव.ता.चांदवड. जि.नाशिक. चे आदर्श कलाशिक्षक श्री.देविदास शिवराम हिरे. यांना पंढरपूर जि.सोलापूर.येथे दि.२८ व २९ मे २०२२ रोजी होणाऱ्या ‘माझी शाळा,माझा फळा’ आयोजित अक्षर संमेलनात मान्यवरांचे हस्ते हा अक्षर गौरव पुरस्कार देऊन सन्मानित केले जाणार आहे.
महाराष्ट्रभर व महाराष्ट्राबाहेर आपल्या जादुई फलक रेखाटनातून समाज जागृती करून फलक रेखाटनास विशिष्ट दर्जा प्राप्त करून देणारे श्री.हिरे यांचे या संमेलन प्रसंगी फळ्यावरील लाईव्ह व्यक्तिचित्र प्रात्यक्षिक ठेवण्यात आले आहे.
अनेक दिग्गज नामवंत कलावंतांच्या विविध कलांचा प्रात्यक्षिक सोहळा बघण्याचा योग पंढरपूर वासीयांना व महाराष्ट्रातील कला रसिकांना या अक्षर संमेलनाचे निमित्ताने होणार आहे.
श्री. देविदास हिरे यांना ‘अक्षर गौरव पुरस्कार २०२२’ जाहीर झाल्याबद्दल शिक्षण मंडळ भगूर संस्थेचे अध्यक्ष डॉ.श्री.का.पां. गांगुर्डे.,कार्याध्यक्ष श्री.एकनाथराव शेटे. कार्यवाह श्री.मधुसूदन गायकवाड. सहकार्यवाह श्री.कवडे. शाळेचे मुख्याध्यापक श्री.कृ.बा.लोखंडे, पर्यवेक्षक श्री.आ.वि. सोनवणे. सर्व शिक्षकवृंद व भाटगाव ग्रामस्थ यांनी अभिनंदन केले.
