Breaking News

[post-marguee]

[ays_poll id=7]

पानेवाडीकरांच्या जागा मालकांचा मोजणीस विरोध ; भूमी अभिलेख चे अधिकारी परतले मोजणी न करताच

Jun 1, 2022

पानेवाडी शिवारातील न्यू इंग्लिश शाळेशेजारी १४ शेतकऱ्यांच्या मालकीची असलेली ४५ एकर परिसरातील जागेत हिंदुस्थान पेट्रोलियम कोर्पोशन लिमिटेड कंपनीच्या रेल्वे साईडिंग व व्हॅगन गॅटरी ( रेल्वे टॅंकर्स लोडींग अनलोडींग ) चा प्रस्तावित प्रकल्प उभारण्यात येणार असून त्यासाठी नांदगाव येथून आलेल्या भुसंपादन अधिकाऱ्यांना तसेच कंपनीच्या अधिकाऱ्यांना तेथील ग्रामस्थांनी मंगळवारी प्रखर विरोधाला सामोरे जावे लागले व तेथून काढता पाय घ्यावा लागला.
हिंदुस्थान पेट्रोलियम कोर्पोशन लिमिटेड कंपनीतर्फे उभारण्यात येणाऱ्या प्रकल्पातील जमिनीचा समृध्दी महामार्गाच्या धर्तीवर मोबदला तसेच प्रकल्पग्रस्त शेतकऱ्यांच्या वारसांना कायम स्वरूपी नोकऱ्या व इतर मागण्यांसंदर्भात जोपर्यंत लेखी करार होत नाही.तो पर्यंत आम्ही जमिन मोजणीस विरोध करणार आहोत.अशी भूमिका यावेळी शेतकऱ्यांनी व्यक्त करण्यात आली. तसेच भूमापन कार्यालयामार्फत व कंपनीतर्फे ज्यांची जमीन मोजणी सुरू करण्यात आली.त्यांना कोणतीही नोटीस किंवा पूर्व सूचना देण्यात आली नाही.जबरदस्तीने मोजणी सुरू करण्यात आली . त्यास आमचा विरोध व हरकत आहे.कोणत्याही परिस्थितीत आम्हाला आमची जमीन द्यायची नाही यावेळी ग्रामस्थांनी संबंधितांना निवेदन दिले . त्यामुळे आज मंगळवारी पानेवाडीत आलेल्या कंपनीच्या अधिकाऱ्यांना व नांदगाव येथील भुमि अभिलेख कार्यालयातील मोजणी अधिकाऱ्यांना रिकाम्या हाताने परत जावे लागले.
यावेळी पानेवाडी येथील संबंधित ४५ एकर शेतजमिनी मालकांपैकी वाल्मिक रघुनाथ आहिरे , संजय वाळूबा सांगळे , गोकुळ दादा सांगळे , प्रेमराज दादा सांगळे , दत्तू मोहन सांगळे , रामनाथ दत्तू सांगळे , काळू मोहन सांगळे , दत्तू उत्तम वाघ , दत्तू अशोक काकड , दगडूबाई वाघ आदींसह महिलासह एचपीसीएलचे अधिकारी अनिल मिश्राम , किरण मैत्र , भूमापन अधिकारी एन.जी.आहिरे , जे.के.शेख , मनमाडचे प्रभारी पोलिस निरिक्षक पी.बी. गिते, उपनिरीक्षक गौतम तायडे आदींसह मोठ्या प्रमाणावर पोलीसांचा फौजफाटा , कंपनीचे कर्मचारी व शेतकरी उपस्थित होते.

अजून बातम्या वाचा..

एच. ए. के. हायस्कूल अँड ज्यु.कॉलेज,मनमाड मध्ये सरदार वल्लभभाई पटेल यांची जयंतीनिमित्त राष्ट्रीय एकता दिवस साजरा

एच. ए. के. हायस्कूल अँड ज्यु.कॉलेज,मनमाड मध्ये सरदार वल्लभभाई पटेल यांची जयंतीनिमित्त राष्ट्रीय एकता दिवस साजरा

मनमाड : स्वातंत्र भारताचे पहिले उपपंतप्रधान, गृहमंत्री, लोहपुरुष सरदार वल्लभभाई पटेल यांच्या जयंती...

read more
कवयित्री विनया काकडे यांच्या कवितासंग्रहाचा प्रकाशन सोहळा मान्यवरांच्या हस्ते संपन्न

कवयित्री विनया काकडे यांच्या कवितासंग्रहाचा प्रकाशन सोहळा मान्यवरांच्या हस्ते संपन्न

मनमाड : (योगेश म्हस्के) मध्यमवर्गीय व एकत्र कुटुंबाशी समरस झालेल्या कवयित्री विनया काकडे यांच्या...

read more
आता वैद्यकीय अभ्यासक्रम होणार मराठी माध्यमातूनही – महाराष्ट्र सरकारचा निर्णय

आता वैद्यकीय अभ्यासक्रम होणार मराठी माध्यमातूनही – महाराष्ट्र सरकारचा निर्णय

मध्य प्रदेश सरकारने वैद्यकीय अभ्यासक्रम हिंदीतून उपलब्ध करून देण्याचा निर्णय घोषित केल्यानंतर आता...

read more
[hsas-shortcode group="" speed="10" direction="left" gap="50"]