जागतिक युथ स्पर्धेसाठी आकांक्षा किशोर व्यवहारेची भारतीय संघात निवड तर तृप्ती पाराशर हिची मेक्सिको येथील आंतरराष्ट्रीय युथ स्पर्धेसाठी भारतीय संघाच्या प्रशिक्षक पदी निवड

जागतिक युथ स्पर्धेसाठी आकांक्षा किशोर व्यवहारे ची भारतीय संघात निवड व महाराष्ट्रातील पहिलीच वेटलिफ्टिंग ची आंतरराष्ट्रीय प्रशिक्षक तृप्ती पाराशर हिची पुन्हा एकदा मेक्सिको येथे होणाऱ्या आंतरराष्ट्रीय युथ स्पर्धेसाठी भारतीय संघाच्या प्रशिक्षक पदी निवड
आंतरराष्ट्रीय वेटलिफ्टिंग संघटना आयोजित जागतिक युथ वेटलिफ्टिंग स्पर्धेसाठी मनमाड च्या खेळाडूंची पुन्हा एकदा आंतरराष्ट्रीय पातळीवर झेप
मेक्सिको लिओन येथे 9 ते 20 जून दरम्यान होणाऱ्या जागतिक युथ वेटलिफ्टिंग स्पर्धेसाठी गुरू गोविंद सिंग हायस्कुल व जय भवानी व्यायामशाळेची गुणी खेळाडू आकांक्षा किशोर व्यवहारे हिची 40 किलो वजनी गटात भारतीय संघात निवड व महाराष्ट्रातील पहिलीच आंतरराष्ट्रीय वेटलिफ्टिंग प्रशिक्षक तृप्ती शेखर पाराशर हिची सलग दुसऱ्यांदा भारतीय संघाच्या प्रशिक्षक पदी निवड करण्यात आली आहे
आंतरराष्ट्रीय पातळीवर एकाच वेळी प्रशिक्षक व खेळाडू म्हणून दोघींची निवड झाल्याने मनमाड शहर तसेच नाशिक जिल्ह्यातील खेळाडूंनी आनंद व्यक्त केला असून पुन्हा एकदा आंतरराष्ट्रीय पातळीवर चांगली कामगिरी बजावण्यासाठी तृप्ती व आकांक्षा सिध्द झाल्या आहेत जय भवानी व्यायामशाळेच्या गुरू शिष्यांची जोडी मेक्सिको येथे होणाऱ्या जागतिक स्पर्धेत भारतीय संघाचे प्रतिनिधित्व करीत निश्चितच उत्तम कामगिरी करतील
यशस्वी खेळाडूंना छत्रे विद्यालयाचे क्रीडा प्रशिक्षक प्रवीण व्यवहारे यांचे मार्गदर्शन लाभले आहे
जय भवानी व्यायामशाळेचे अध्यक्ष डॉ विजय पाटील,मोहन अण्णा गायकवाड,डॉ सुनील बागरेचा प्रा दत्ता शिंपी,छत्रे विद्यालयाचे आधारस्तंभ पी जी धारवाडकर, अध्यक्ष पी जे दिंडोरकर, सचिव दिनेश धारवाडकर, संचालक नाना कुलकर्णी प्रसाद पंचवाघ,मुख्याध्यापक आर एन थोरात, उपमुख्याध्यापक संदीप देशपांडे,पर्यवेक्षिका सौ पोतदार एस एस श्री गुरुगोविंद सिंग हायस्कुलचे गुरुद्वारा मनमाड चे प्रमुख बाबा रणजित सिंगजी प्राचार्य सदाशिव सुतार सर यांनी अभिनंदन केले व शुभेच्छा दिल्या.