नांदगाव तालुक्यातील मोरझर, आझाद नगर (पिंजारवाडी), भोसलेवाडा ते नांदगाव चा रहदारीचा रस्ता रेल्वे विभागामार्फत सुरू असलेल्या तिसऱ्या लाईन लगतच्या कामामुळे ह्या रस्त्याची अत्यंत दयनीय अवस्था झाली असून रस्ताच नसल्याने गावाचा संपर्क तुटला आहे. गावातील नागरिक, शालेय विद्यार्थी, रुग्ण यांचे अतोनात हाल होत आहे.शेतकऱ्यांना आपला शेतमाल नांदगाव बाजार समितीत नेण्यासाठी तथा सर्वांसाठी हा रस्ता नांदगाव ला येण्या जाण्यासाठी सोयीचा आहे मात्र रेल्वे विभागाच्या तिसऱ्या लाईन च्या कामामुळे सदरील रस्ता हा अत्यंत खराब झाला असून तातडीने ह्या रस्त्याची दुरुस्ती करावी अशा आशयाचे निवेदन केंद्रीय आरोग्य राज्यमंत्री तथा दिंडोरी लोकसभा क्षेत्राच्या खासदार डॉ. भारती पवार यांना तकदीर पूंजाबा सरोदे राहणार क्रांतीनगर सरोदे वस्ती यांनी पाठवत केली आहे.
