नांदगाव : शिवसेनेचे आमदार सुहास कांदे यांनी शिंदे गटाला आपला पाठिंबा व्यक्त केल्यानंतर मतदारसंघात शिवसेनेने शक्तीप्रदर्शन केले होते. आता राष्ट्रवादी काँग्रेसनेही निवडणुकांची तयारी सुरु केली आहे. मतदारसंघातील पालिकांसह विधानसभा निवडणूक डोळ्यांसमोर ठेवून भविष्यातील सत्ता ताब्यात घेण्यासाठी राष्ट्रवादीचे कार्यकर्ते व पदाधिकाऱ्यांनी जोमाने कामाला लागावे, असे आवाहन पक्षाचे विधानसभा अध्यक्ष विनोद शेलार यांनी केले आहे. माजी
पालकमंत्री छगन भुजबळ आणि आमदार कांदे यांच्यातील जिल्हा नियोजन समितीच्या निधीचा तसेच राजकीय वाद सर्वश्रृत आहे.आता त्यांनी कांदे यांनी शिंदे गटाची पाठराखण केल्याने राष्ट्रवादी पुन्हा कामाला लागली आहे.
माजी आमदार पंकज भुजबळ यांच्या संपर्क कार्यालयात झालेल्या बैठकित पालिका निवडणुकीबाबत विचारविनिमय झाला. ज्येष्ठ नेते छगन भुजबळ यांनी केलेल्या आवाहनाला तालुका पदाधिकारी, कार्यकर्त्यांनी एकदिलाने साद घालून काम करावे, असे आवाहनही तालुकाध्यक्ष विजय पाटील यांनी केले.
बैठकीला राष्ट्रवादीचे शहराध्यक्ष बाळकाका कलंत्री, माजी नगराध्यक्ष काका सोळसे, माजी उपनगराध्यक्ष शिवाजीराव पाटील, वाल्मीक जगताप, राष्ट्रवादी युवक काँग्रेसचे तालुकाध्यक्ष सोपान पवार, शहराध्यक्ष गौतम जगताप, सुनंदा खैरनार, राजू लाठे, प्रसाद सोनवणे, दीपक खैरनार, अशोक पाटील, समता परिषदचे शहराध्यक्ष शिवा सोनवणे, महेश पवार, सचिन देवकाते, दत्तू पवार, तानसेन जगताप, दया जुन्नरे, डॉ. सुरेश गायकवाड, सुरेश गायकवाड, अबिद सय्यद, मंगेश पगारे, बाळासाहेब देहाडराय, विश्वास आहिरे, राहुल आहेर आदी उपस्थित होते.
