नांदगाव – निवडणूक आयोगाच्या आदेशान्वये जिल्हा परिषद नाशिक व त्याअंतर्गत पंचायत समिती नांदगाव सार्वत्रिक निवडणूक २०२२ आरक्षण सोडत नांदगाव तहसिल कार्यालयात नितीन मुंढावरे, रोहोयो उपजिल्हाधिकारी यांच्या मार्गदर्शनाखाली तसेच तहसीलदार डॉ. सिद्धार्थकुमार मोरे यांच्यासह उपस्थित महसूल कर्मचारी आणि तालुक्यातील नागरिकांच्या उपस्थितीत काढण्यात आली. 8 गणांपैकी वेहेळगाव अनुसूचित जाती, पानेवाडी आणि मांडवड अनुसूचित जमाती,जातेगाव नामाप्र, उर्वरित सावरगाव,न्यायडोंगरी,भालूर आणि साकोरा सर्वसाधारण जाहीर झाले.दरम्यान एकूण महिलांसाठी 4 जागा राखीव असल्याने त्या चिठीनुसार सोडत झाली.त्यात उत्कर्षा आणि प्रथम निलेश जाधव या लहान बाळांनी काढलेल्या चिठिनुसार पानेवाडी , साकोरा,न्यायडोंगरी,भालूर महिलांसाठी आरक्षित झाले.
धार्मिक वृत्ती असलेल्या राजकीय व्यक्तिंमुळेच देशाची प्रगती – श्री पुलक सागर जी महाराज
जैन धर्मशाळा नांदगाव येथे दिगंबर जैन संत आचार्य श्री पुलकसागरजी महाराज यांचे मधुर प्रवचन मालिके...
