नांदगाव (सोमनाथ घोंगाणे): नांदगाव तालुक्यातील चार जिल्हा परिषद गट अनुसुचित जाती स्त्री या प्रवर्गा साठी राखीव झाल्याने सर्व पक्षीय ज्येष्ठ व तरूण नेत्यामध्ये नाराजी आहे. राज्य निवडणूक आयुक्त यांच्या आदेशान्वये आज जिल्हा परिषद नाशिक येथे चिठ्ठीद्वारे काढण्यात आली .यात नांदगाव तालुक्यातील चारही गट अनुक्रमे न्यायडोंगरी, जातेगाव,साकोरा,भालूर हे अनुसुचीत जमाती स्त्री या प्रवर्गासाठी राखीव निघाले तसेच विधानसभा मतदार संघातील मालेगाव तालूक्यातील तीन गट टाकळी, निमगाव, कळवाडी हे सुद्वा अनुसुचीत जमाती साठी राखीव निघाल्याने सर्व पक्षीय नेते अस्वस्थ झाले असून त्याच्या स्वप्नांवर पाणी फिरले .तसेच जिल्हा परिषद अंर्तगत येणाऱ्या नांदगाव पंचायत समितीची गणासाठी आरक्षण सोडत आज तहसिल कार्यालयात रोहयो उपजिल्हाधिकारी नितीन मुंडावरे, तहसिलदार डॉ. सिद्घार्थकुमार मोरे योंच्या उपस्थितीत काढण्यात आली . यात लहान मुलांनी चिठ्ठीद्वारे काढलेले आरक्षण पुढीलप्रेमाणे
१) वेहळगाव अनुसुचीत जाती
२) साकोरा सर्वसाधारण स्त्री
३) सावरगाव सर्वसाधारण
४) न्यायडोंगरी सर्वसाधारण स्त्री
५) पानेवाडी अनुसुचीत जमाती स्त्री
६) भालूर सर्व साधारण स्त्री
७) मांडवड अनुसुचीत जमाती
८) जातेगाव नागरिकांचा मागासवर्ग
यावेळी निवडणुक निवासी नायब तहसिलदार चेतन कोनकर, अव्वल कारकून संतोष डुबंरे, महसुल सहाय्यक नाना बागडे,परेश रायजादे यांनी यावेळी चोख कामगिरी बजावली.
तालुक्यातील जिल्हा परिषदेचे चारही गट अनुसुचीत महीला या प्रवर्गासाठी राखीव झाल्याने या गटातील इच्छूक जेष्ट नेते मंडळी आता पंचायत समिती साठी आपले नशीब आजमावतील त्यामुळे स्थानीय छोटया पुढारी मंडळी मध्ये अस्वस्थता पाहण्यास मिळत आहे.
.
