डॉ प्रणित सोनावणे यांचे ” बायो इंटॅक्ट ” तंत्रज्ञानामुळे सांधे प्रत्यारोपणाचे एका महिन्यात अर्धे शतक

नाशिक : प्रतिनिधी  अशोका मेडिकव्हर हॉस्पिटल नाशिक येथील सुप्रसिद्ध सांध्येप्रत्यारोपण शस्त्रक्रिया तज्ञ् डॉ प्रणित सोनावणे यांनी मे महिन्यात  “बायो इंटॅक्ट ” या  तंत्रज्ञानामुळे ५० यशस्वी सांधे प्रत्यारोपण शस्त्रक्रियेचा टप्पा पार केला. वयानुरूप होणारी गुडघ्याची झीज त्यावर उपचार म्हणून सांधे प्रत्यारोपण शस्त्रक्रिया करावी लागते. या  शस्त्रक्रियेदरम्यान अचूकता आवश्यक असते. ही अचुकता प्राप्त करणे अनेकदा पारंपारिक पद्धतीने शक्य नसल्याने अशावेळी ” बायो इंटॅक्ट ” या आधुनिक तंत्रज्ञानाने गुडघा प्रत्यारोपण प्रभावी ठरते. “बायो इंटॅक्ट नी- रिप्लेसमेंट ” ही शस्त्रक्रिया महागडी नसून पारंपरिक गुडघा प्रत्यारोपण सर्जरी साठी जेवढा खर्च येतो तेवढाच खर्च त्यास येतो, हे विशेष.
 अशोका मेडीकव्हर हॉस्पिटलचे सांधेरोपण तज्ञ डॉ. प्रणित सोनवणे या प्रसंगी म्हणाले की , आज भारतात अधिक शस्त्रक्रिया पारंपरिक पद्धतीने करण्यात येत असल्या तरी, अचूकतेमुळे व आधुनिक तंत्रज्ञानामुळे  गुडघ्याचे प्रत्यारोपण शस्त्रक्रिया प्रचलित होत आहे. ” बायो इंटॅक्ट ” या आधुनिक तंत्रज्ञानामुळे   शस्त्रक्रियेमध्ये   स्नायूचे आणि सांध्याचे  नैसर्गिक गुणधर्मापर्यंत पोहोचून अचुकता प्राप्त करता येऊ शकते. याशिवाय कमी काप , हाडांचे कमी नुकसान, पेशी व उतींना ( टिश्यू) कमी हानी होत असल्याने या शस्त्रक्रिया रुग्णांना लाभदायक ठरत आहे.अनेकदा गुडघ्यांच्या वेदना असाह्य आहेत म्हणून गुडघे बदलून टाका. असे ही रुग्ण आम्हाला स्वतःहून सांगतात. मात्र त्यापूर्वी वेदनांची तीव्रता आणि ते दुखणे किती जुनाट आहे यावर मूल्यांकन करून उपाय ठरवावा लागतो. जर कुठलाच उपाय शक्य नसेल तर शेवटी गुडघा प्रत्यारोपण करावे लागते मात्र बायो इंटॅक्ट या आधुनिक तंत्रज्ञानामुळे  आता गुडघा प्रत्यारोपण अचूक व परिपूर्ण होत असल्याने रुग्णांना त्याचा फायदा होत आहे.
  गुडघा प्रत्यारोपण शस्त्रक्रिया झाल्यावर दुसऱ्याच दिवशी रुग्ण चालू शकतो. दरम्यान रुग्णास  फिजोथेरिपी चे व्यायाम करविल्या जातात. कालांतराने रुग्ण चालणे फिरणे, वाहन चालवणे, जिने चढणे उतरणे ,मांडी घालून बसणे या क्रिया सहजतेने करू शकतात.गुडघ्यामध्ये असलेल्या कार्टलेजचा थर झिजल्याने गुडघ्याचे कार्यान्वयन बिघडते. त्यामुळे चालण्यास त्रास होतो, गुडघा दुखतो व त्यावर सूज येते, पायाच्या आकारमानात असमानता येते. वयोमानानुसार गुडघ्याचे कार्टिलेज झिजल्या जातात; तरीदेखील अपघातामुळे व लिगामेंट इंज्युरीमुळे कमी  वयातही हे  कार्टिलेज   झिजल्या जाऊन गुडघा दुखावू शकतो. गुडघ्यातील ही झीज पहिल्याच टप्प्यात आढळून आली, तर औषधोपचार आणि फिजियोथेरपीसारख्या उपचार प्रणालींमुळे तात्पुरता आराम पडतो. मात्र, गुडघे जास्त प्रमाणात झिजल्या गेल्यास त्यावर गुडघ्यांचे प्रत्यारोपण हा एक प्रभावी उपचार आहे.
 अशोका मेडिकव्हर हॉस्पिटल हे उत्तर महाराष्ट्रातील  अत्याधुनिक सुविधांनी सुसज्ज असे ३५० बेडेड ‘ऑथोपेंडिक्स जॉईंट रिप्लेसमेंट सेंटर ‘ आहे. येथे  गुडघा प्रत्यारोपणासह टोटल हीप रिप्लेसमेंट, टोटल शोल्डर रिप्लेसमेंट, रिविजन जॉईंट रिप्लेसमेंट सर्जरी, ऑर्थरोस्कोपी, लिगामेंट व स्पोर्ट्स इंज्युरी, शोल्डर सर्जरी, शोल्डर टेंडन रिपेअर, टेंडन इंज्युरी यासह स्पाईन सर्जरी व फ्रॅक्चर व ऑक्सिडेंट यावर उपचार करण्यात येतात .
समीर तुळजापूरकर – केंद्र प्रमुख अशोका मेडिकव्हर हॉस्पिटल नाशिक