चांदवड, येथील श्री नेमीनाथ जैन ब्रह्मचर्याश्रम संचलित श्री एच. एच. जे. बी. पॉलिटेक्निकमध्ये अध्ययन करत असलेल्या द्वितीय वर्ष मेकॅनिकल इंजिनीअरिंगचा विद्यार्थी प्रथमेश गांगुर्डे याने राज्य स्तरावर १0५ किलो वजनी गटात प्रथम क्रमांक मिळवला आणि पॉवरलिफ्टर असोसिएशनच्या सहयोगात राष्ट्रीय स्तरावर पॉवरलिफ्टिंग चॅम्पियनशिप २0२२-२३ साठी त्याची निवड झाली. याने जुलै २0२२ रोजी नाशिक येथे झालेल्या सब ज्युनियर पॉवर लिफ्टिंग चॅम्पियनशिपमध्ये हे यश संपादित केले.पॉवरलिफ्टिंग हा एक वैयक्तिक खेळ आहे ज्यामध्ये विशिष्ट वजन आणि वयोगटातील स्क्वॅट, बेंच प्रेस आणि डेडलिफ्टमध्ये शक्य तितके वजन उचलणे हे लक्ष्य आहे. ऍथलीट्सना त्यांच्या कमाल क्षमतेपर्यंत पोहोचण्यासाठी तीन प्रयत्न असतात आणि त्यांनी कठोर तंत्र नियमांचे पालन केले पाहिजे जेणेकरून प्रत्येकाची समान रीतीने तुलना केली जाईल. या यशप्राप्ती मागे तंत्रनिकेतनचे प्राचार्य डॉ. व्ही. ए. वानखेडे तसेच मेकॅनिकल इंजिनीअरिंग विभागाचे विभागप्रमुख डी.व्ही.लोहार , तंत्रनिकेतनचे क्रीडा समन्वयक पी.जे.बाफना,
सर्व शिक्षक व शिक्षकेतर कर्मचारी यांचे मोलाचे मार्गदर्शन लाभले. विश्वस्त समितीचे अध्यक्ष मा.श्री बेबीलालजी संचेती व विश्वस्त समितीचे उपाध्यक्ष मा. श्री दिनेशजी लोढा, मानद सचिव मा.श्री जवाहरलालजी आबड, प्रबंध समितीचे अध्यक्ष मा.श्री अजीतकुमारजी सुराणा, प्रबंध समितीचे उपाध्यक्ष आणि तंत्रनिकेतनाचे समन्वयक मा. श्री अरविंदकुमारजी भन्साळी, सह मानद सचिव मा.श्री. झुंबरलालजी भंडारी, व तंत्रनिकेतनाचे मुख्य समन्वयक तथा प्रबंध समिती सदस्य मा. श्री राजेंद्रकुमारजी बंब यांनी या बद्दल संबंधितांचे अभिनंदन केले व शुभेच्छा दिल्या.
