डॉ. वानखेडे वि.अ. यांना (ISTE) चा उत्कृष्ट प्राचार्य पुरस्कार.

चांदवड येथील श्री नेमिनाथ जैन ब्रह्मचार्याश्रम संचलित श्री एच एच जे बी पॉलीटेक्नीकचे प्राचार्य डॉ. विशाल अशोक वानखेडे यांना इंडीयन सोसायटी फॉर टेक्नीकल एज्युकेशन (ISTE) या राष्ट्रस्तरावरील संस्थेद्वोरे उत्कृष्ट प्राचार्य पुरस्कारासाठी निवड करण्यात आली. सदरची निवड ही महाराष्ट्रातील व गोवा या राज्यातील विविध पॉलीटेक्नीक यांच्यातून करण्यात आली. आय एस टी ई ही राष्ट्रीय स्तरावरील तंत्रशिक्षण क्षेत्रात कार्यकरणा-या विविध संस्थेतील शिक्षक, विद्यार्थी यांना सभासद होण्याची संधी देते. या संस्थेच्या माध्यमातून राष्ट्रीय स्तरावरील शिक्षण प्रशिक्षण, नवनविन तंत्रज्ञानावरील कार्यशाळा विविध उपक्रम, विद्यार्थ्यासाठी स्टुडंट चॅप्टर, शिक्षकांसाठी स्टाफ चॅप्टर, वार्षिक व कायम स्वरूपात सभासदत्व देते. आय एस टी ई दर वर्षी फेब्रुवारी महिन्यात विविध पुरस्कारांसाठी अर्ज मागविते त्यात उत्कृष्ट पॉलीटेक्नीक शिक्षक, उत्कृष्ट प्राचार्य, उत्कृष्ट वुमन टिचर, उत्कृष्ट विद्यार्थी, उत्कृष्ट प्रोजेक्ट, अशा विविध गटांसाठी आवेदन मागविले जातात. या पुरस्कारांची विविध निकषांच्या आधारे जसे व्यक्तिगत कार्य, पुरस्कार, नाविन्यपुर्ण उपक्रमांचे आयोजन, नविन शैक्षणिक धोरण, त्याचे विद्यार्थ्यासाठी उपयोजना गुणवंतावाढीचे उपक्रम, शिक्षकांसाठी विकास कार्यक्रमाचे आयोजन, उद्योग क्षेत्रात योगदान, रोजगार, प्रशिक्षणासाठी केलेले प्रयत्न, सामाजिक उपक्रम या आधारावर संपुर्ण महाराष्ट्र व गोवा राज्यातील पॉलीटेक्नीक मधुन त्यांची निवड करण्यात आली. डॉ. वानखेडे वि.अ. यांनी मिळविलेल्या या नामांकीत पुरस्काराबद्दल त्यांचे विश्वस्त समितीचे अध्यक्ष मा.श्री बेबीलालजी संचेती व विश्वस्त समितीचे उपाध्यक्ष मा.श्री दिनेशजी लोढा,मानद सचिव मा.श्री जवाहरलालजी आबड, प्रबंध समितीचे अध्यक्ष मा.श्री अजीतकुमारजी सुराणा, प्रबंध समितीचे उपाध्यक्ष आणि तंत्रनिकेतनाचे समन्वयक मा.श्री अरविंदकुमारजी भन्साळी,सह मानद सचिव मा.श्री.झुंबरलालजी भंडारी,व तंत्रनिकेतनाचे मुख्य समन्वयक तथा प्रबंध समिती सदस्य मा.श्री राजेंद्रकुमारजी बंब यांनी अभिनंदन केले .