शांतता समितीची आज बैठक

मनमाड शहर पोलीस स्टेशन हद्दीत आगामी साजरा होणारा श्री गणेश उत्सव, पोळा सण शांततेत व उत्साहात पार पडावा यासाठी मा.श्री. सचिन पाटील , पोलीस अधीक्षक, नाशिक ग्रामिण , मा.अप्पर पोलीस अधीक्षक, मालेगाव, मा.उपविभागीय पोलीस अधिकारी, मनमाड विभाग यांचे प्रमुख उपस्थितीत सर्व शांतता समिती सदस्य, जेष्ठ नागरीक, प्रतिष्ठित नागरीक, सर्व शासकीय कार्यालयाचे अधिकारी, पत्रकार बंधु, पोलीस पाटील, वाद्यमालक-चालक, महिला दक्षता समिती सदस्य, सर्व श्री गणपती मंडळाचे पदाधिकारी, शहरातील सर्व मस्जिद चे मौलाना आणि ट्रस्टी, यांची “शांतता समिती बैठक” आयोजीत करण्यात आलेली आहे. सदर बैठकीस सर्वांनी सायंकाळी ६.३० वाजता मनमाड पोलिस स्टेशन येथे उपस्थित रहावे असे आवाहन सहाय्यक पोलीस निरीक्षक प्रल्हाद गीते यांनी केले आहे.