नांदगाव ( सोमनाथ घोंगाणे)
नांदगाव तालुक्यातील जातेगांव येथील जिल्हा परिषदेच्या प्राथमिक शाळेत दि.८ सप्टेंबर गुरुवार रोजी जागतिक साक्षरता दिनाचे औचित्य साधून नांदगाव येथील दैनिक आवाज या वृत्तपत्राचे संपादक/ पत्रकार भगवान सोनवणे यांनी त्यांच्या आई कै. सकुबाई सोनवणे यांच्या २३ व्या पुण्यस्मरणा निमित्त अनुसूचित जाती व जमाती मधिल १५१ विद्यार्थ्यांना पाणी पिण्याच्या बाटल्या, जेवणाचे डबे आणि शालेय उपयोगी वस्तूंचे वाटप वाटप केले.
या कार्यक्रमाचे अध्यक्षस्थानी शालेय शिक्षण समितीचे सभापती कृष्णा शिंदे हे होते तर प्रमुख पाहुणे म्हणून नांदगाव येथील प्रेस फोटो ग्राफर शंकर नाना विसपुते, अँड . किरण जाधव ‘वैभव कुमावत ‘ गौरव बोरसे ‘ अरुण हिंगमिरे ‘ भरत पाटील ‘ ईश्वर जाधव ‘वाल्मीक वरपे ‘ प्रभाकर निंबारे हे होते.
याप्रसंगी भगवान सोनवणे यांनी सांगितले की प्रत्येकाच्या जिवनात पहिले आई वडील हे असतात आईचे अनन्य साधारण महत्व असून शिक्षण हे वाघिणीचे दुध आहे, या स्पर्धेच्या युगात जो शिकेल तोच टिकेल असे सांगितले व आई साठी एक कविता सादर केली. तसेच मुख्याध्यापक अनिल बंड,अँड किरण जाधव, व ईश्वर जाधव यांनी आणि शाळेतील कृष्णा पवार, कार्तिक पवार, अनिकेत निकम, कार्तिक पगारे, अदित्य गायकवाड, सिध्दांत त्रिभुवन, अनन्य महाले, प्रगती चव्हाण विद्यार्थ्यांनी जिवनातील आईचे महत्त्व या विषयावर मनोगत व्यक्त केले.
यावेळी निलेश शितोळे, संतोष पवार, रामदास चव्हाण, सचिन जाधव, भुपेंद्र महाजन, रंजना चौधरी, दैवशाला मरवळे, शोभा ढाले, संध्या चव्हाण हे शिक्षक व शिक्षीका हजर होत्या.
या कार्यक्रमाचे सूत्रसंचालन केंद्र प्रमुख सुभाष चव्हाण यांनी केले तर मुख्याध्यापक अनिल बंड यांनी पत्रकार सोनवणे यांनी गोरगरीब गरजू विद्यार्थ्यांना आईच्या पुण्यस्मरणा निमित्ताने शालेय उपयोगी वस्तूंचे वाटप केल्याबद्दल विषेश आभार मानले
