मुंबई-आग्रा महामार्गावरील पिंपळगाव बसवंत येथील टोल नाका कायमच चर्चेत असतो. काल ह्या टोल नाक्यावर कार्यरत महिला कर्मचारी आणि प्रवासी महिला यांच्यात तुफान हाणामारी झाली. हा सर्व प्रकार मोबाईल कॅमेऱ्यामध्ये रेकॉर्ड झाला असून सोशल मिडियात व्हायरल होत आहे. टोल नाक्यावर एक कार आली. ही कार एका पोलिसाची कार होती. या पोलिसाने त्याचे आयकार्ड दाखवून टोलमधून सूट देण्याची विनंती केली. मात्र, ती नाकारण्यात आली. त्यानंतर त्यांच्यात शाब्दिक बाचाबाची झाली. वादाचे पर्यवसन भांडणात झाले. त्यानंतर टोल महिला कर्मचारी आणि पोलिस पत्नी यांच्यात हाणामारी झाली. आणि त्याचाच हा व्हिडिओ आहे. टोल वरील सुरक्षा रक्षक व अन्य कर्मचाऱ्यांनी मध्यस्थी करुन हा वाद मिटवला आहे. पण, सध्या या व्हिडिओमुळे हा टोल नाका पुन्हा एकदा चर्चेत आला आहे.
मनमाड महाविद्यालयात संविधान दिन साजरा
** मनमाड : महात्मा गांधी विद्यामंदिर संचलित, कला, विज्ञान व वाणिज्य महाविद्यालय मनमाड येथे...
