हिंदूहृदयसम्राट शिवसेनाप्रमुख बाळासाहेब ठाकरे यांच्याबद्दल अत्यंत अवमानकारक आणि आक्षेपार्ह शब्दांचा वापर करून कोट्यवधी शिवसैनिकांच्या व जनतेच्या भावना दुखावल्याप्रकरणी ॲड. गुणरत्न सदावर्ते यांच्यावर तात्काळ गुन्हा दाखल करण्यात यावा, अशी जोरदार मागणी शिवसेना (उद्धव बाळासाहेब ठाकरे) पक्षाच्या मनमाड शहर शाखेच्या वतीने पोलीस प्रशासनाकडे करण्यात आली आहे.
शिवसेना जिल्हाप्रमुख प्रवीण नाईक यांच्या नेतृत्वाखाली मनमाड शहर पोलीस स्टेशनचे पोलीस निरीक्षक / पोलीस आयुक्त यांना आज, दि. ०९ सप्टेंबर २०२६ रोजी या संदर्भात लेखी निवेदन देण्यात आले.
ॲड. सदावर्ते हे वारंवार प्रसिद्धीच्या झोतात राहण्यासाठी आणि समाजात तेढ निर्माण करण्यासाठी थोर महापुरुष व आदरणीय नेत्यांबद्दल बेताल वक्तव्ये करत आहेत. हिंदूहृदयसम्राट बाळासाहेब ठाकरे हे महाराष्ट्राची अस्मिता आणि कोट्यवधी जनतेचे दैवत आहेत. त्यांच्याबद्दल वापरलेले अवमानकारक शब्द अत्यंत निंदनीय असून यामुळे शिवसैनिकांमध्ये आणि जनतेमध्ये तीव्र संतापाची लाट उसळली आहे त्यांच्या या व्यक्तव्याचा शिवसेनेतर्फे जाहीर निषेध करण्यात आले.
कायदा व सुव्यवस्थेचा प्रश्न निर्माण होण्यापूर्वी आणि या प्रकरणाचे गांभीर्य लक्षात घेऊन पोलीस प्रशासनाने ॲड. गुणरत्न सदावर्ते यांच्यावर कठोर कलमांन्वये तत्काळ गुन्हा दाखल करावा, अशी मागणी निवेदनाद्वारे करण्यात आली. योग्य ती कारवाई न झाल्यास तीव्र आंदोलन छेडण्याचा इशाराही याप्रसंगी देण्यात आला.
यावेळी शिवसेना (उद्धव बाळासाहेब ठाकरे) पक्षाचे जिल्हा समनव्यक सुनील पाटील, शहरप्रमुख माधव शेलार, ज्येष्ठ शिवसैनिक राजेंद्र आहेर, तालुका सचिव शैलेश सोनवणे, नगरसेवक दीपक दराडे, अमोल नरवडे, संजय कटारे, माजी नगरसेवक विनय आहेर, मायकल फर्नांडीस, उपशहरप्रमुख प्रवीण धाकराव, राजाभाऊ वाघ, संतोष साळुंके, राकेश अहिरराव, वसंत नागरे, सुभाष दरगुडे, संजय सोळसे, बबन आव्हाड, सिद्धांत पाटील, प्रकाश चावरिया, विजय शिनगारे, योगेश परदेशी, गणेश सांगळे, सुनील जाधव, काळू माळी, राहुल वाघमारे, निष्ठावंत शिवसैनिक जाफर मिर्झा आदींसह मोठ्या संख्येने शिवसैनिक उपस्थित होते.*
