मनमाड शहरातील विविध समस्या त्वरित सोडविण्यात याव्यात, या मागणीसाठी काँग्रेसचे माजी नगरसेवक नाजीम शेख हे बेमुदत उपोषणास बसलेले आहेत. सदर उपोषणास राष्ट्रवादी काँग्रेस मनमाड शहराच्या वतीने लेखी पाठींबा देण्यात आला. राष्ट्रवादी काँग्रेसच्या पदाधिकार्यांनी उपोषण स्थळी नाजीम शेख यांची भेट घेत त्यांना जाहीर पाठिंब्याचे लेखी पत्र दिले. शहराध्यक्ष दीपक गोगड, कार्याध्यक्ष नाना शिंदे यांनी आपले मनोगत व्यक्त केले. यावेळी महिला शहराध्यक्ष अपर्णा देशमुख, अल्प.तालुकाध्यक्ष हबीब शेख, युवा जिल्हा संघटक अमोल गांगुर्डे, अक्षय देशमुख, आनंद बोथरा आदि उपस्थित होते.
मनमाड येथील सेंट झेवियर हायस्कूलमध्ये रयतेचे राजे शिवछत्रपती शिवाजी महाराजांची जयंती मोठ्या उत्साहात संपन्न झाली.
याप्रसंगी व्यासपीठावर शाळेचे मुख्याध्यापक फादर माल्कम नातो, उपमुख्याध्यापिका सिस्टर...
