निवडणूक आयोगाने राज्यातील मुदत संपलेल्या ७७५१ ग्रामपंचायत निवडणूक कार्यक्रम नुकताच जाहीर केला. यात नांदगाव तालुक्यातील १५ ग्रामपंचायतींचा समावेश आहे. त्यासाठी १८ डिसेंबरला मतदान तर २० डिसेंबरला मतमोजणी होणार आहे. यात सरपंच निवड हि थेट जनतेतून होणार आहे.
तालुक्यातील कसाबखेडा, लोढरे, तळवाडे, हिरेनगर, पिंपरखेड, लक्ष्मिनगर, मुळडोंगरी, हिसवळ बु., नागपूर, शास्त्रीनगर, नवसारी, धोटाने खु., बोयगाव, धनेर, भार्डी या ग्रामपंचायतीचा समावेश आहे. निवडणूक जरी ग्रामपंचायतिची असली तरी यात पुढील काळात लगेच होऊ घातलेल्या पंचायत समिती आणि जिल्हा परिषद निवडणुकीची सरावाची निवडणूक मानले जात आहे.
तालुक्यातील विविध गटातील या ग्रामपंचायती असल्याचे जनतेचा कौल कोणत्या दिशेने आहे हे पाहणे उत्सुकतेचे असेल. २८ नोव्हेंबर पासून नामनिर्देशन अर्ज भरण्यास सुरुवात होणार असून २ डिसेंबर अंतिम तारीख आहे. यानंतर ५ डिसेंबर ला छाननी, 7 डिसेंबरला माघारीची मुदत देण्यात आली आहे.
सेंट झेवियर शाळेत प्रजासत्ताक दिन साजरा
मनमाड -येथील सेंट झेवियर हायस्कूलमध्ये देशाचा 77 वा प्रजासत्ताक दिन मोठ्या उत्साहात संपन्न झाला....
