शहरालगत असलेल्या बेजगाव गावामध्ये शेतात पिकाला पाणी भरण्यासाठी जाणाऱ्या एका शेतकऱ्यावर तरस प्राण्याने हल्ला केल्याची घटना काल सकाळी घडली. या हल्ल्यात जगन शिवाजी लहाने जखमी झाले असून त्यांना मनमाडच्या उपजिल्हा रुग्णालयात उपचारासाठी दाखल करण्यात आले आहे. या घटनेमुळे बेजगाव परिसरात खळबळ उडाली असून ग्रामस्थांमध्ये भीतीचे वातावरण निर्माण झाले आहे.
बिबटे, वाघ यांनी हल्ले केल्याचे ऐकिवात आहे मात्र सहसा नजरेलाही न दिसणारे तरस हल्ला करतील अशी शंकाही येणार नाही मात्र ही गोष्ट खरी असून मनमाड पासून जवळ असलेल्या बेजगाव गावांमध्ये सध्या तरस नावाची चांगलीच दहशत पसरली आहे. गेल्या काही महिन्यापासून हल्ल्याचे प्रकार घडत असून मागे तीन जण गंभीर जखमी झाले होते.
आज जगन शिवाजी लहाने हे पहाटे आपल्या शेतात पिकाला पाणी भरण्यासाठी जात असतांना झाडाझुडुपांमध्ये लपून बसलेल्या तरसाने त्यांच्यावर हल्ला केला तरसाने केलेल्या हल्ल्यामुळे त्यांच्या पाय पकडला तर छातीला मुका मार लागला आहे. हल्ल्यात लहाने हे गांगरून गेले होते. त्यानंतर त्यांनी जोरजोरात आरडाओरड केल्यामुळे तरस पसार झाला होता जखमीला मनमाडच्या उपजिल्हा रुग्णालयात उपचारासाठी दाखल करण्यात आले होते या घटनेमुळे बेजगाव परिसरात खळबळ उडाली असून ग्रामस्थांमध्ये भीतीचं वातावरण निर्माण झाले आहे. हा तरस इतरही व्यक्तींवर हल्ला करू शकतो यासाठी वन विभागाने त्याचा बंदोबस्त करण्यासाठी पिंजरा लावण्याची मागणी ग्रामस्थांनी केली आहे.
