महात्मा गांधी विद्यामंदिर संचलित, कला, विज्ञान व वाणिज्य महाविद्यालय मनमाड यांच्या राष्ट्रीय छात्रसेना व राष्ट्रीय सेवा योजना विभागांद्वारे राष्ट्रीय प्रदूषण नियंत्रण बोर्डाच्या पुनीत सागर अभियाना अंतर्गत वागदर्डी धरण परिसरात प्लास्टिक कचरा गोळा करून स्वच्छता करण्यात आली. या कार्यक्रमाचे आयोजन महाविद्यालयचे प्राचार्य डॉ. अरुण पाटील यांच्या मार्गदर्शनाखाली एनसीसी प्रमुख लेफ्टनंट प्रा. प्रकाश बर्डे व एन एस एस कार्यक्रम अधिकारी डॉ. पवनसिंग परदेशी यांच्याद्वारे करण्यात आले. स्वच्छता मोहीम झाल्यानंतर राष्ट्रीय छात्र सेनेचे कॅडेट व राष्ट्रीय सेवा योजनेचे स्वयंसेवक व स्वयंसेविका यांनी स्वच्छतेची शपथ घेतली. या मोहिमेसाठी राष्ट्रीय छात्र सेनेचे ४५ व राष्ट्रीय सेवा योजनेच्या ४० स्वयंसेवक, स्वयंसेविका यांनी यात सहभाग घेतला.
भुमी क्रिकेट अकॅडमीतील भाविका कौरानी , सुहानी बोरा , लविशा दौलानी , शर्विना आहिरे , स्वरांजली पवार , गुरज्योत कौर मंगत व आर्या साळुंखे यांची नंदुरबार जिल्हा क्रिकेट आसोसिएशन महिला संघात निवड
महाराष्ट्र क्रिकेट आसोसिएशन आयोजीत आमंत्रितांच्या स्पर्धेसाठी ( जिल्हास्तरीय सामने )...
