भारतीय क्रिकेट संघाचा यष्टीरक्षक-फलंदाज ऋषभ पंत शुक्रवारी सकाळी एका भीषण अपघातात जखमी झाला. ऋषभ पंत दिल्लीहून रुरकी येथील त्याच्या घरी जात होता. यानंतर पंतला डेहराडून येथील खासगी रुग्णालयात दाखल करण्यात आले असून, तेथे त्यांच्यावर उपचार सुरू आहेत. मिळालेल्या माहितीनुसार, मंगळुरू पोलीस स्टेशन परिसरात हा अपघात झाला. ऋषभ पंतच्या पाठीला आणि डोक्याला गंभीर दुखापत झाली आहे. या घटनेनंतर बीसीसीआयचे वैद्यकीय पथक तात्काळ कारवाईत आले आणि ऋषभ पंतला गाठले. ऋषभ पंतच्या तपासणीनंतर बीसीसीआयच्या वैद्यकीय पथकाने आरोग्यविषयक अपडेट दिले आहेत. सूत्रांकडून मिळालेल्या माहितीनुसार, बीसीसीआयच्या (BCCI) वैद्यकीय पथकाने ऋषभ पंतचे स्कॅनिंग करून इतर अनेक प्रकारच्या वैद्यकीय चाचण्या केल्या आहेत.
ताज्या अहवालानुसार ऋषभ पंतला कुठेही फ्रॅक्चर झालेले नाही. पाठीवर खरचटणाच्या खुणा असून कपाळावर जखमा आहेत. ऋषभ पंतच्या उजव्या डोळ्याला दुखापत झाली आहे. ऋषभ पंतची प्लास्टिक सर्जरी होणार आहे. भीषण अपघातानंतर ऋषभ पंत ऑस्ट्रेलिया मालिका आणि आयपीएलमधून बाहेर होवू शकतो.
नांदगाव येथील हनुमान नगरला धनाजी गुंजाळ यांच्या घरावर वीज पडली.
नांदगाव (प्रतिनिधी) नांदगाव येथे आज पहाटे साडेचार च्या सुमारास विजांच्या कडकडाटासह पाऊस...
