नांदगाव
नांदगाव तालुक्यातील न्यायडोंगरी येथून नांदगावकडे येत असतांना परधाडी फाट्याजवळ टाटा कंपनीच्या छोटा हत्ती व पल्सर दुचाकी यांच्यात झालेल्या अपघातात दुचाकीस्वार जागीच ठार झाला. तर दोन गंभीर जखमी झाले.
पोलिसांनी दिलेल्या माहितीनुसार, न्यायडोंगरी येथून टाटा कंपनीच्या एम.एच.०४ जी एफ ४२०७ छोटा हत्ती नांदगावकडे विरुद्ध दिशेने येत असतांंना परधाडी फाट्याजवळ पल्सर दुचाकी क्रमांक एम.एच .४१ बी.जे.२१३२ यांच्या झालेल्या अपघातात सोमनाथ रमेश मोरे(२२) रा. पोही ता.नांदगाव हा जागीच ठार झाला असून वसंत लालू मोरे, शास्त्रीनगर,संतोष वाळू फुलमाळी रा.हिसवळ खुर्द,सचिन प्रकाश गोसावी रा.धोटाणे खुर्द ता.नांदगाव हे तिन्ही जखमी झाले आहेत.छोटा हत्ती या गाडीने पल्सर दुचाकीला धडक दिल्याने दोन्ही गाड्याचे मोठया प्रमाणावर नुकसान झालेले आहे.पोलिसांत गुन्ह्याची नोंद झाली असून अधिक तपास पोलीस निरीक्षक रामेश्वर गाडे यांच्या मार्गदर्शनाखाली पो.हवालदार रवींद्र चौधरी करीत आहेत.
