Breaking News

[post-marguee]

[ays_poll id=7]

कै.पुंडलिक पांडूरंग मवाळ विद्यालयात ज्ञानज्योती सावित्रीमाई फुले जयंती साजरी

Jan 3, 2023

नांदगाव सोमनाथ घोंगाणे

कै. पुंडलिक पांडुरंग मवाळ विद्यालय पिंपरखेड येथे ज्ञान ज्योती सावित्रीमाई फुले जयंती साजरी करण्यात आली. कार्यक्रमाच्या अध्यक्षस्थानी विद्यालयाचे मुख्याध्यापक मा. काशिनाथ गवळी तर प्रमुख अतिथी म्हणून सौ. मनिषाताई जाधव या होत्या. कार्यक्रमाचे अध्यक्ष व प्रमुख अतिथींच्या हस्ते ज्ञान ज्योती सावित्रीमाई फुले यांच्या प्रतिमेचे पूजन करून पुष्पहार अर्पण करण्यात आला.
प्रसंगी अनेक विद्यार्थीनी सावित्रीमाई फुले यांच्या वेशभूषेत उपस्थित होत्या. विद्यार्थ्यांनी आपल्या भाषणातून सावित्रीमाई फुले यांचा जीवनपट उलगडून दाखवला. विविध गीतांतून त्यांच्या कार्याचा गौरव केला. अध्यक्षीय भाषणात मुख्याध्यापक मा. गवळी सर यांनी तत्कालीन शिक्षण पध्दती व त्या अनुषंगाने महात्मा ज्योतिबा फुले व सावित्रीबाई फुले यांनी केलेले कार्य, त्याला झालेला विरोध तसेच आज त्यांच्या त्याग व योगदानामुळे समाजातील स्त्रियांना मिळणारा मान-सन्मान, झालेली प्रगती आदी गोष्टींबद्दल विद्यार्थ्यांना मार्गदर्शन केले तसेच आजचा दिवस हा सर्वत्र ‘शिक्षिका दिवस’ म्हणून साजरा केला जात असल्याचे सांगितले.
या निमित्ताने विद्यालयात भव्य प्रमाणात ‘पाककला’ स्पर्धेचे आयोजन करण्यात आले होते. विद्यालय परिसरात स्वत विद्यार्थ्यांनी विविध प्रकारचे पदार्थ तयार केले. एकूण १२ गटात ही स्पर्धा झाली. परिक्षणानंतर प्रथम, द्वितीय व तृतीय तसेच उत्तेजनार्थ पारितोषिके देऊन विजेत्यांना गौरविण्यात आले.
कार्यक्रम यशस्वीतेसाठी मा. बोरसे सर, मा. पठाडे सर, मा. शिंदे मॅडम, मा. जाधव सर, मा. सोनवणे सर, मा. संदीप मवाळ मा. आबा सोनवणे यांनी विशेष परिश्रम घेतले. या कार्यक्रमाचे सूत्रसंचालन उपक्रमशील शिक्षक मा. कांदळकर सर यांनी केले तर आभार मा. निलेश चव्हाण यांनी मानले.

अजून बातम्या वाचा..

डॉ बाबासाहेब आंबेडकर यांचे लेखन भाषण डिजिटल स्वरूपात उपलब्ध होणार डॉ नितीन राऊत यांच्या पुढाकाराला यश

मुंबई - डॉ. बाबासाहेब आंबेडकर यांचे लेखन, भाषण व विचार लवकरच मराठीत डिजिटल स्वरूपात उपलब्ध होणार...

read more
मनमाडला पत्रकार दिनानिमित्त कार्यशाळेचे आयोजन

कऱ्ही येथे क्रांतिवीर वसंतराव नाईक यांना स्मृतिदिनी अभिवादन व विविध स्पर्धांचे बक्षीस वितरण !

नांदगाव तालुक्यातील कऱ्ही येथील व्ही.एन.नाईक माध्यमिक विद्यालयात क्रांतिवीर वसंतराव नाईक यांना...

read more
[hsas-shortcode group="" speed="10" direction="left" gap="50"]