हिसवळ् बु॥ येथील विद्यालयात येणाऱ्या विद्यार्थी / विद्यार्थीनी साठी स्वंतंत्र बससेवा सुरू करा .

नांदगाव
नांदगाव तालुक्यातील हिसवळ बु. येथे येणाऱ्या शालेय विद्यार्थ्यांसाठी स्वतंत्र बस सेवा सुरू करावी यासाठी राष्ट्रवादी कॉग्रेस पक्षाकडून आगार प्रमुखांना निवेदन
तालुक्यातील हिसवळ बु. येथे इयत्ता पाचवी ते दहावी पर्यंत माध्यमिक विद्यालय असून या विद्यालायामध्ये हिरवळ बु., शास्त्रीनगर, धोटाने खु., काळेवस्ती, तसेच परिसरातील अनेक गावांमधून अनेक विद्यार्थी शिक्षणासाठी येत असतात, परंतु सकाळी १०:३० वाजता शाळा भरण्याच्या वेळेत व सायंकाळी ०४:३० वाजता शाळा सुटण्याच्या वेळेत बस नसल्याकारणाने बऱ्याच विद्यार्थ्यांना घरीच राहावं लागतं किंवा प्रयत्न करून शाळेत आल्यानंतर घरी जाण्यास लवकर गाडी मिळत नसल्यामुळे रात्री उशिरा घरी जावं लागते. त्यामुळे विद्यार्थ्यांच्या शिक्षणावर त्याचा मोठा परिणाम होऊ शकतो. सदर विद्यार्थ्यांना एस. टी. चा रितसर पासही आहेत. आणि विशेष म्हणजे ७० मुली व ४० मुलं असे एकूण ११० विद्यार्थी आहेत. या सर्व मुलांच्या शैक्षणिक भविष्याचा महत्त्वाचा प्रश्न असून ते शिक्षणापासून वंचित राहता कामा नये. यापूर्वी पालकांनी, स्थानिक ग्रामपंचायतींनी, तसेच स्थानिक लोकप्रतिनिधींनी आगार प्रमुख यांना वेळोवेळी विनंती केली असून, परंतु त्यांनी त्यांची कुठलीही दखल आपल्या स्तरावरून घेतली गेलेली नाही. तरी विद्यार्थ्यांच्या शैक्षणिक भविष्यासाठी त्वरित बस सेवा सुरू करावी. अन्यथा नांदगांव तालुका राष्ट्रवादी काँग्रेस पक्षाच्यावतीने तीव्र आंदोलने छेडण्यात येतील व त्यांच्या होणाऱ्या परिणामास आपण जबाबदार असाल याची नोंद घ्यावी. असा ईशारा मा. आगार प्रमुख, राज्य परिवहन महामंडळ आगार, नांदगाव यांना देण्यात आला. यावेळी राष्ट्रवादी काँग्रेस तालुका अध्यक्ष विजुभाऊ पाटील, युवक अध्यक्ष सोपान पवार, युवक शहराध्यक्ष गौतम जगताप, सोशल मीडिया अध्यक्ष वाल्मिक टिळेकर, महात्मा फुले समता परिषद अध्यक्ष अशोक पाटील,दत्तू पवार, दारासिंग भिडे, बाळासाहेब देहाडराय,अरूण अप्पर,डगळे सर, देशमुख सर,सनी पवार इ. पदाधिकारी व कार्यकर्ते उपस्थित होते.