मनमाड पोलिसांच्या पथकाने प्रतिबंधीत सुगंधीत स्वादिष्ट तंबाखू, गुटखा व अन्य पान मसाला पदार्थ असा एकूण ५८९८६ रूपये किंमतीचा मुद्देमाल जप्त केला. जगदीश जाधव नेमणूक नाशिक ग्रामीण पोलिस यांनी याप्रकरणी फिर्याद दिली असून जमीरखान हुसमान खान पठाण (वय ४७) याचेविरूध्द विविध कलमांन्वये गुन्हा दाखल केला.
सुगंधीत, स्वादिष्ट तंबाखू, गुटखाजन्य पान मसाला तत्सम पदार्थ विक्री करण्यास प्रतिबंध आहे. सदर पदार्थ मानवी शरीरास अपायकारक आहे हे माहित असतांना देखील विविध कंपन्यांचे गुटख्याचे पाऊच व पुडे प्रत्येकी ११ पाऊच असा ५८९८६ रूपये किंमतीचा मुद्देमाल विक्री करण्याच्या उद्देशाने स्वतःचे कब्जात विना परवाना बेकायदा बाळगतांना मिळून आला म्हणून गुन्हा दाखल करण्यात आला.
