अब्राहम लिंकन यांचे पत्र मुख्याध्यापक व प्राचार्य यांना देत अनोख्या पद्धतीने वाढदिवस साजरा

मराठा विद्या प्रसारक समाजाचे नांदगांव तालुका संचालक मा. इजि. अमीतभाऊ बोरसे पाटील यांचा दिनांक 11 जानेवारी रोजी वाढदिवसाचे औचित्य साधून मराठा विद्या प्रसारक समाजाच्या मनमाड कॅम्पस मध्ये रक्तदान शिबिर, आनंद मेळा (खाद्यपदार्थाचे स्टॉल) चे आयोजन करण्यात आले. या सर्व कार्यक्रमाचे उद्धाटन मा. अमितभाऊ बोरसे यांच्या हस्ते झाले. सर्वांच्या उपस्थितीत अभिष्टचिंतन सोहळा पार पडला. मात्र या दिवसाचे औचित्य साधत मा. अमितभाऊ बोरसे यांनी जगप्रसिद्ध असलेले अब्राहम लिंकन यांचे पत्र मोठी फ्रेम करून महाविद्यालयाचे प्राचार्य डॉ. डी. डी. गव्हाणे, अभिनवचे मुख्याध्यापक श्री. आर. एस. वाघ आणि आदर्श इंग्लिश मिडीयम स्कूलच्या प्राचार्या श्रीमती पूनम मढे यांना देण्यात आले. त्यांच्या या कृतीने त्यांची विद्यार्थी, पालक व शिक्षक यांच्याप्रती असलेली आस्था व आपल्या मुलांना दर्जेदार शिक्षण मिळावे व ही मुले भविष्यात आदर्श नागरिक बनून भारताला महासत्ता बनवतील हा विचार त्यांच्या या कृतीतून सिद्ध होत आहे.
त्यांनी नांदगाव तालुक्यातील मराठा विद्या प्रसारक समाजाच्या सर्व शाळा व महाविद्यालये यांना हे पत्र भेट म्हणून दिले. याप्रसंगी व्यवस्थापन समितीचे अध्यक्ष श्री. बाळासाहेब साळुंखे, श्री. रमेश अण्णा बोरसे, नगरसेवक रवींद्र घोडेस्वार, CA प्रशांत कदम, प्रा. जी. सी.बर्वे, कार्यक्रम अधिकारी प्रा. एन.जे. भाबड, प्रा. ए.पी.नवले, पालक व विद्यार्थी मोठ्या संख्येने उपस्थित होते.