नेपाळची राजधानी काठमांडूहून पोखराला जाणारे प्रवासी विमान कोसळून मोठी दुर्घटना घडली आहे. या विमानात ७२ प्रवासी होते. पोखराजवळ हा अपघात झाला.
अपघातग्रस्त विमान यती एअरलाईन्स असल्याचे सांगितले जात आहे. अपघाताची माहिती मिळताच मदतकार्याला सुरुवात झाली. राजधानी काठमांडूहून विमान पोखराला जात होते. नेपाळ पोलिसांनी दिलेल्या माहितीनुसार, या दुर्घटनेत ६८ जणांचा मृत्यू झाला आहे. मृताची संख्या वाढण्याची शक्यता आहे.
अपघाताची माहिती मिळताच नेपाळी लष्करासोबतच बचाव पथकही तातडीने घटनास्थळी रवाना करण्यात आले. अग्निशमन दलाच्या गाड्याही घटनास्थळी पाठवण्यात आल्या आहेत.
