नाशिक-शिर्डी महामार्गावरील वावी-पाथरे गावाजवळ झालेल्या खासगी बसच्या भीषण अपघातातील जखमी रुग्णांवर सिन्नर येथे उपचार सुरू आहेत. रुग्ण आणि त्यांच्या नातेवाईकांशी आज महाराष्ट्राचे मुख्यमंत्री ना.श्री.एकनाथ शिंदे यांनी मोबाईलवरून व्हिडीओ कॉन्फरन्सद्वारे संवाद साधला. तसेच रुग्णांच्या वैद्यकीय सेवेत कोणतीही कमतरता राहू देऊ नका असे निर्देश रुग्णालय प्रशासनाला दिले.
मुख्यमंत्री सहाय्यता निधीचे प्रमुख मंगेश चिवटे यांस रुग्णालयात पाठवून अपघातग्रस्त नागरिकांना मिळणारी वैद्यकीय सेवेबाबत आढावा घेतला. अपघातग्रस्तांना हे सरकार सर्वोतोपरी सहकार्य करणार असल्याचा विश्वास यावेळी मुख्यमंत्र्यांनी बोलून दाखविला.
