मुंबईच्या झवेरी बाजारात ई डी चे अधिकारी असल्याचे सांगून एका व्यापाऱ्याला तब्बल पावणे दोन कोटी रुपयाचा गंडा घालण्यात आल्याची घटना घडल्याने एकच खळबळ माजली. ‘स्पेशल २६’ ह्या चित्रपटात दाखविल्या प्रमाणे तसाच प्रकार इथे घडला आहे. या सिनेमात खोटे अधिकारी बनून लूट करण्यात आली होती. अशाच पद्धतीने झवेरी बाजारात बनावट ईडी अधिकाऱ्यांनी छापे टाकून करोडोंची लूट केली. पोलीस तपास सुरू असल्याची माहिती आहे.
मिळालेल्या माहितीनुसार, एका व्यावसायिकाच्या कार्यालयावर ४ अज्ञात लोकांनी खोटा छापा टाकला. यावेळी त्यांनी स्वतःला ईडीचे अधिकारी असल्याचे सांगितले. इतकंच नाहीतर आरोपींनी तक्रारदार व्यावसायिकाच्या कार्यालयातील एका कर्मचाऱ्यालाही हातकडी घातल्याची माहिती सूत्रांकडून देण्यात आली आहे. यानंतर आरोपींनी कार्यालयातून २५ लाख रुपये रोख आणि ३ किलो सोने चोरून नेले.
माजी खासदार विकास महात्मे यांचा नांदूर मध्यमेश्वर होळकर वाडा पाहणी दौरा
होळकर वाडा जतन संवर्धन व संरक्षण व्हावे यासाठी मुख्यमंत्री यांच्या शी बोलणार =विकास महात्मे...
