सोमवारी सकाळी तुर्कस्तानमध्ये झालेल्या भीषण भूकंपाच्या धक्क्यात 2300 हून अधिक जणांचा मृत्यू झाला आहे तर, 1,700 हून अधिक इमारतींचे नुकसान झाले. या भूकंपाच्या धक्क्याने तुर्कस्तानमध्ये बांधलेला 2,200 वर्षांहून अधिक जुना ऐतिहासिक गझियानटेप राजवाडाही उद्ध्वस्त झाला आहे. ऐतिहासिक गझियानटेप राजवाड्याच्या नाशामुळे त्यात राहणाऱ्या अनेक लोकांचा मृत्यू झाला आहे. गझियानटेप पॅलेस हा प्रथम वॉच टॉवर म्हणून रोमन काळात दुसऱ्या-चौथ्या शतकात बांधला गेला होता. सोमवारी सकाळी 7.8 रिश्टर स्केलच्या भूकंपाने गझियानटेप किल्ला हादरला.
तुर्कस्तानचे अंतर्गत मंत्री सुलेमान सोयलू यांनी दिलेल्या माहितीनुसार, या तीव्र भूकंपाच्या धक्क्यांमुळे गझियानटेप, कहरामनमारस, हताय, उस्मानिया, अदियामन, मालत्या, सानलिउर्फा, अदाना, दियारबाकीर आणि किलिससह 10 शहरे सर्वात जास्त प्रभावित झाली आहेत.
