अंगणवाडी ७५ मध्ये माता रमाई जयंती साजरी

एकात्मिक बाल विकास सेवा योजना प्रकल्प नागरी नाशिक -२.प्रकल्प अधिकारी आ.अजय फडोळ सर,मुख्यसेविका शितल गायकवाड मँडम याच्यां मार्गदर्शनाखाली कार्यरत अंगणवाडी क्र.७५.मनमाड विभाग येथे आज माता रमाई जयंती साजरी करण्यात आली. अंगणवाडी सेविका कल्पना जाधव आणि अलका गायकवाड मदतनिसताई तसेच विभागातील महिला पालक याच्यां हस्ते पुष्पहार अर्पण करुन त्याच्यां स्मृतीस त्रिवार अभिवादन करण्यात आले.
रमाई ह्याच्यां कार्याबद्दल कल्पना जाधव यांनी मनोगत व्यक्त केले.
भारतरत्न डॉ .बाबासाहेब आंबेडकर यांच्या पत्नी, त्यागमुर्ती रमाबाई आंबेडकर ह्या होत्या. वंचितांच्या हक्कांसाठी लढणाऱ्या बाबासाहेबांच्या पाठीशी त्या खंबीरपणे उभ्या राहिल्या. बाबासाहेबांची प्रेरणा, स्फुर्ती आणि लढण्याची उर्मी रमाईंचा त्यागच होता. अशा या महान त्यागमुर्तीस विनम्र अभिवादन.
महापुरुषांचे व्यक्तिमत्त्व पर्वताच्या महान शिखराप्रमाणे असते. असे म्हटले जाते की, प्रत्येक यशस्वी पुरुषामागे एका महिलेचा हात असतो. मग ती आई किंवा पत्नी असु शकते. बाबासाहेबांना रमाईंची साथ नसती तर कदाचित भिवाचा भीमराव झाले नसते. स्त्री ही जशी गृहिणी तशी सुसंस्कारीत समाज निर्माण करणारी माताही असते . युगपुरुष महामानव डॉ. बाबासाहेबांच्या खडतर आयुष्यात, दारिद्र्यांच्या खोल दरीत असलेला संसाराचा गाडा ओढणारी, सहचारिणी पत्नी रमाई म्हणजे जणु चारित्र्याची मंगल प्रतिमाच होती.