नांदगाव शहरातील श्री संत शिरोमणी सावता महाराज मंदिर परिसरासाठी आमदार सुहास अण्णा कांदे यांच्या माध्यमातून साठ लाख रुपयांचा निधी सभामंडपच्या कामासाठी मंजूर करण्यात आला. आज या सभा मंडपाचे भूमिपूजन आमदार सुहास आण्णा कांदे यांच्या हस्ते करण्यात आले.
या कार्यक्रमाच्याअध्यक्षस्थानी जेष्ट नेते बापूसाहेब कवडे हे होते.तर मंचावर माजी नगराध्यक्ष राजाभाऊ बनकर,बबी काका कवडे,राजाभाऊ मोरे,श्री विष्णू निकम सर, श्याम दुसाने,रमेश पगार,नांदगाव नगर पालिकेचे मुख्यअधिकारी धांडे,अमृत पटेल अनिलशेट करवा, राजाभाऊ देशमुख,बाळासाहेब मोकळ, नगरसेवक वाल्मीक टिळेकर,अमोल शेठ नावंदर, प्रकाश शेठ गायकवाड, पैठणकर तात्या,ईश्वर भाऊ मोकळ,सादिक तांबोळी उपस्थित होते.
श्री विष्णू निकम सर यांनी प्रस्तावना करताना सांगितले की
आमदार सुहास आण्णा कांदे यांनी अपेक्षिले त्याहून जास्त आम्हाला दिले असा दानशूर आमदार आम्ही या आधी पहिला नाही, या आधी बलाढ्य आमदार होऊन गेले पण दान करण्याची वृत्ती ही फक्त आपण दाखवली या बद्दल सावता महाराज समिती तसेच उपस्थितांकडून त्यांनी आभार व्यक्त केले. सर्व जाती पंथाला सोबत घेऊन चालणारा आमदार लाभल्याचे भाग्य आहे असेही ते म्हणाले.
ज्येष्ठ नेते बापूसाहेब कवडे यांनी मनोगत व्यक्त करताना आमदार सुहास आण्णा यांनी चौफेर आपले विकास कार्य सुरू ठेवले असून पाण्यासारखे पुण्याचे काम हाती घेऊन विविध योजना मार्गी लावल्या आता शेती सिंचनाला आपला मोर्चा वळवावा असे ते म्हणाले.
आपल्या भाषणात बोलतांना आमदार सुहास आण्णा कांदे यांनी मी आमदार झालो त्याच दिवशी मी सर्व जाती धर्माचा, पक्षाचा, अगदी शेवटच्या स्थरावरच्या नागरिकाचा आमदार झालो आणि प्रत्येकाची सेवा करणे हे माझे कर्तव्य असल्याचे समजतो असे ते म्हणाले. मी आजपर्यंत मतदारसंघात अनेक विकास कामे करत असताना विविध पाणी योजना मार्गी लावल्या आता पुढचे लक्ष हे शेती सिंचनाचे असल्याचे त्यांनी सांगितले. आपण मला कधीही हाक द्या मी आपल्यासाठी सदैव उपलब्ध राहील असा विश्वास त्यांनी बोलून दाखवला.
सुरुवातीलाच आमदार सुहास आण्णा कांदे यांचे आगमन होताच फटाक्यांची आतिषबाजी करण्यात आली, ह. भ. प.गुरुकुल च्या विद्यार्थ्यांनी टाळ मृदुंगाच्या गजरात त्यांचे स्वागत केले .
सूत्रसंचालन प्रशांत खैरनार यांनी केले तर बाळासाहेब मोकळ यांनी आभार मानले.
या प्रसंगी नांदगाव शहरातील नागरिक मोठ्या संख्येने उपस्थित होते .
