मनमाड :-एच.ए.के. हायस्कूल अँड ज्यु.कॉलेज,मनमाड मध्ये राष्ट्रीय विज्ञान दिवस उत्साहात साजरा करण्यात आला. शाळेतील विज्ञान प्रमुख शिक्षक श्री.शानुल जगताप सर कार्यक्रमाच्या अध्यक्षस्थानी होते. व्यासपिठावर शाळेचे मुख्याध्यापक श्री. भुषण शेवाळे सर संस्थेच्या संचालिका आयशा गाजीयानी मॅडम संस्था व शाळा समन्वयक अमोल निकम सर पर्यवेक्षक अन्सारी शाहीद अख्तर,शेख आरीफ कासम व सर्व विज्ञान शिक्षक, शिक्षिका उपस्थित होते.
यावेळी माध्यमिक व उच्च माध्यमिक शाळेतील विद्यार्थ्यांनी दिनांक २८ फेब्रुवारी १९२८ या दिवशी भारतरत्न डॉ. सी. व्ही. रामन यांनी रामन इफेक्टचा शोध लावला म्हणुन हा दिवस राष्ट्रीय विज्ञान दिन साजरा केला जातो याबाबत माहिती दिली. तसेच मुख्याध्यापक श्री.भुषण शेवाळे सर, संस्था व शाळा समन्वयक अमोल निकम सर,उपशिक्षिका सौ. आरती दखणे, सौ.अश्विनी गायकवाड व कार्यक्रमाचे अध्यक्ष श्री.शानुल जगताप यांनी अध्यक्षीय भाषणात राष्ट्रीय विज्ञान दिनाची माहिती देऊन जिवनात विज्ञानाचे महत्व सांगितले. कार्यक्रमाचे सुत्रसंचालन सांस्कृतीक मंडळाने केले.
