येथील छत्रे विद्यालयात 8 मार्च रोजी जागतिक महिला दिन साजरा करण्यात आला. या कार्यक्रमासाठी प्रमुख अतिथी म्हणून सौ.श्रद्धा धारवाडकर उपस्थित होत्या.या प्रसंगी संचालक प्रसाद पंचवाघ,मुख्याध्यापक रमेश थोरात यांनी आपल्या देशातील कर्तृत्ववान महिलांचा व त्यांच्या विविध क्षेत्रातील गौरवास्पद कार्याचा उहापोह केला.उपमुख्याध्यापक संदीप देशपांडे पर्यवेक्षक प्रविण व्यवहारे यांनी सामाजिक,राजकीय,कला क्षेत्रा बरोबरच क्रिडा क्षेत्रातही महिला आपले कर्तृत्व सिद्ध करत आहेत असे प्रतिपादन केले.सौ एस.यू. देशपांडे यांनी महिला दिनाचे औचित्य साधून स्वतः तयार केलेली कविता सादर केली.
या प्रसंगी मान्यवरांच्या हस्ते शाळेतील महिला शिक्षिका,कर्मचारी यांचा फेटा बांधून सत्कार करत भेट वस्तू देऊन सन्मानित करण्यात आले.संस्थेचे आधारस्तंभ पीजी धारवाडकर,अध्यक्ष पी जे दिंडोरकर सचिव दिनेश धारवडकर,संचालक नाना कुलकर्णी,प्रसाद पंचवाघ,मुख्याध्यापक थोरात आर.एन., उपमुख्याध्यापक संदीप देशपांडे, वरिष्ठ पर्यवेक्षक प्रवीण व्यवहारे,पर्यवेक्षिका संगीता पोतदार या सर्वांनी शाळेतील सर्व महिलांना शुभेच्छा दिल्या.कार्यक्रमाचे संयोजन निलेश जाधव व संतोष कोकणे यांनी केले.
