मनमाडः येथील सेंट झेवियर हायस्कूल मध्ये महिला दिन मोठ्या उत्साहाने साजरा करण्यात आला. यावेळी व्यासपीठावर कार्यक्रमाच्या अध्यक्षा सिस्टर रेखा तसेच शाळेचे मुख्याध्यापक मॅल्कम नातो, पर्यवेक्षिका सिस्टर ज्योत्स्ना व सर्व शिक्षिका उपस्थित होत्या.यावेळी झालेल्या कार्यक्रमात मुख्याध्यापकांनी उपस्थित सर्व स्त्री शिक्षिकेंचा गुलाबपुष्प देऊन सन्मान केला. कार्यक्रमाच्या अध्यक्षा सिस्टर रेखा यांनी महिलांच्या समाजातील योगदानाबद्दल माहिती दिली. तर मुख्याध्यापकांनी आपल्या भाषणातून उपस्थित महिला शिक्षिकांना महिला दिनाच्या हार्दिक शुभेच्छा दिल्या. या कार्यक्रमाचे सूत्रसंचालन कुमारी भाविका शिरसाठ हिने केले तर आभार प्रदर्शन कुमारी यशस्वी वैद्य हिने केले. सौ लीना जाधव सौ. रचना अहिरे, सौ. एलिझाबेथ शेल्टे व सौ. सरिता निकम यांनी महिला सन्मानार्थ एक गीत सादर केले. या गितास सौ. अंजलीना झेवियर श्री. अशोक गायकवाड सर यांनी संगीताची साथ दिली. कु. पल्लवी झाल्टे हिने समाजातील कर्तृत्ववान स्त्रियांचा आपल्या भाषणात आढावा घेतला. कु. आर्या उबाळे, कु. धनश्री झाल्टे, कु. अनुष्का शंखपाळ, कु. जागृती आहिरे व कु. समृद्धी झाल्टे या मुलींनी थोर महिलांच्या वेशभूषेत येऊन त्यांचे विचार उपस्थितांना ऐकवलेत.
