ग्रामसेवक भगवान जाधव यांचेवर गुन्हा दाखल करण्याची मागणी
नांदगाव सोमनाथ घोंगाणे
नांदगाव तालुक्यातील घाटमाथ्यावरील बोलठाण येथील बेकायदेशीर वृक्षाची कत्तल केल्याप्रकरणी ग्रामसेवक भगवान वामनराव जाधव यांच्याविरुद्ध तक्रार दाखल..!
बोलठाण येथील ग्रामपंचायत हद्दीतील एनडीसीसी नाशिक जिल्हा मध्यवर्ती सहकारी बँक लिमिटेड नाशिक या बँक समोरील भले मोठे वडाचे वृक्ष होते सदरील हे वृक्ष विनापरवानगी व बेकायदेशीर रित्या ग्रामसेवक भगवान वामनराव जाधव यांनी ग्रामपंचायतीमधील गाळे बांधकाम करण्यासाठी सदरील वृक्षाची विनापरवानगी कत्तल केली असून. ग्रामसेवक यांच्यावर फौजदारी गुन्हा दाखल करणे बाबत तक्रार बोलठाण येथील माजी ग्रामपंचायत सदस्य लक्ष्मीबाई गायकवाड यांनी वनविभागा कार्यालय येथे केली आहे. सदरील तक्रारीकडे वनविभाग कार्यालयातील अधिकारी हे दुर्लक्ष करीत आहे. असा आरोप लक्ष्मीबाई गायकवाड यांनी केला आहे.तरी सदर प्रकरणाची सखोल चौकशी करण्यात यावी अशी मागणी लक्ष्मीबाई गायकवाड यांनी केली आहे
