गृहभेटीच्या माध्यमातुन केले जात आहे किचन गार्डन तयार करण्यासाठी मार्गदर्शन – शितल गायकवाड मुख्यसेविका एबाविसेयो प्रकल्प नागरी – २

एकात्मिक बाल विकास सेवा योजना प्रकल्प नागरी नाशिक -२.अंतर्गत अंगणवाडी क्र.७५.मनमाड विभाग .गृहभेटीच्या माध्यमातुन किचन गार्डनचे फायदे तसेच उष्मापासुन बचाव तसेच उष्माघात वर उपाय याविषयी मार्गदर्शन करण्यात आले.
किचन गार्डनसाठी जागेची मर्यादा नाही ..गच्चीवर,अंगणात,कुंडीत ही किचन गार्डन करता येते.कमी कालावधीत फळे,भाजीपाला घरच्या घरी मिळविण्यास मदत होते. तसेच ताज्या हवेसह उत्तम प्रतीचा प्राणवायु मिळण्यास मदत होते. काही औषधी वनस्पतीची लागवड कुंडीत करता येते. तसेच पालकांना किचन गार्डन ची लागवड करतांना सेद्रीय पध्दतीने करण्यास सांगितले.
सांडपाण्याची विल्हेवाट करुन छान किचन गार्डन फुलवता येईल.
उष्माघात म्हणजे जास्त उन्हात कष्टाचे काम केले तर शरीरातील तापमान वाढते. म्हणुन खुप उन्हात काम न करता सकाळी किवां दुपारनंतर काम करावे ..पिण्याचे पाणी सोबत असावे..भरपुर पाणी प्यावे,शरीरात थंडावा रहाण्यासाठी दुध,दही,तुप ताक याचे सेवन करावे ,तुपामुळे पोटात थंडावा रहातो…ताकात पुदीना,जिरं धने टाकले तर थंडावा वाढण्यास मदत होते. काकडी,टरबुज,फळांचा रस,नारळपाणी,लिबुपाणी इ.सेवन करणे.. बाहेर जातांना छत्री, टोपी,रुमालचा वापर करावा.