नाशिक क्रिकेट असोसिएशन आयोजीत हाकीम मर्चंट क्रिकेट स्पर्धेत भूमी क्रिकेट अकॅडमी अंडर 19 मनमाड विरुध्द ग्रिफिन्स क्रिकेट अकॅडमी अंडर 19 या संघामध्ये महात्मा नगर नाशिक येथे झालेल्या सामन्यात भूमी क्रिकेट अकॅडमी संघाने अटितटिच्या सामण्यात विजय प्राप्त केला. 20 षटकांच्या या सामन्यामध्ये मनमाड संघाचा कर्णधार रुषी शर्मा याने नाणेफेक जिंकुन फलंदाजी करण्याचे ठरवले. मनमाड संघाने प्रथम फलंदाजी करताना 19.1 ओव्हर मध्ये 10 विकेट गमवुन 126 धावा केल्या. या धावांचा पाठलाग करत असताना ग्रिफिन्स नाशिक संघ 123 धावांपर्यतच मजल मारु शकला. मनमाड संघाने ह्या अत्यंत चुरशीच्या सामण्यात विजय प्राप्त केला व हाकीम मर्चट अंडर 19 स्पर्धेत प्रवेश केला.
गोलंदाजी करताना मनमाड संघातील रुषी शर्मा या गोलंदाजाने 04 षटकात फक्त 16 धावा देत 03 बळी टिपले. व या सामन्याचा सामणावीर ठरला. त्यासोबतच सुरज बिडगर व चिराग निफाडकर यांनी प्रत्येकी 01 बळी मिळवला.
मनमाड संघाच्या फलंदाजीत अंशुमान सरोदे रोहित पवार याने सर्वाधिक 45 धावा केल्या तसेच 37 धावा करून 02 बळी मिळवणारा अंशुमान सरोदे हा सामनावीर ठरला.
भुमी क्रिकेट अकॅडमीचे मार्गदर्शक ईरफान मोमीन , राजाभाऊ पगारे , गणेश धात्रक , हबीब शेख , सिद्धार्थ बरडीया , तय्यब शेख , कौशल शर्मा , परवेज शेख , कैलास सोनवणे यांनी खेळाडूंचे अभिनंदन केले. भुमी क्रिकेट अकॅडमीचे आधारस्तंभ ईरफान मोमीन , प्रशिक्षक सिध्दार्थ ( भोला ) रोकडे व संचालक वाल्मिक रोकडे यांनी खेळाडुंना स्पर्धेतील पुढिल सामण्यासाठी शुभेच्छा दिल्या.
